А ты мила: Юлія Дошна | A ty myła: Julia Doszna

з албуму «Там на Лемковині»
z albumu „Tam na Łemkowynie“

А ты, мила, а ты, мила,
Што-с думала,
Кед сой гвечер, кед сой гвечер
Зо мном стала?
Тота єдна думка моя,
Же ты не мій, я не твоя,
Душко моя.

Чого же-с ся, чого же-с ся
Погнівала,
Кой-єс щыро, кой-єс щыро
Не думала?
Забуд, мила, то гніваня,
Бо то было на прощаня,
Душко моя.

Од тых думок, од тых думок
Серце болит,
Хто на двоє, хто на двоє
Любов ділит.
Моя любов знат лем тебе,
Не ходж ку двом, прид до мене,
Душко моя!

A ti, myła, a ti, myła,
Szto-s dumała,
Ked soj hweczer, ked soj hweczer
Zo mnom stała?
Tota jedna dumka moja,
Że ti ne mij, ja ne twoja,
Duszko moja.

Czoho że-s sja, czoho że-s sja
Pohniwała,
Koj-jes szcziro, koj-jes szcziro
Ne dumała?
Zabud, myła, to hniwanja,
Bo to biło na proszczanja,
Duszko moja.

Od tich dumok, od tich dumok
Serce bołyt,
Chto na dwoje, chto na dwoje
Łjubow diłyt.
Moja łjubow znat łem tebe,
Ne chodż ku dwom, pryd do mene,
Duszko moja!