Azərbaycan, Rusiya və Ermənistan baş prokurorlarının üçtərəfli görüşü keçirilib

Показать описание

Moskvada Azərbaycan, Rusiya və Ermənistan baş prokurorlarının üçtərəfli görüşü keçirilib. Görüşdə Baş prokuror Kamran Əliyev Ermənistan tərəfindən ərazilərimizin minalanma prosesinin davam etdirilməsinin yolverilməzliyini bildirib. Baş prokuror eyni zamanda Qarabağa qanunsuz səfərlərin təşkilinə və ölkəmizin təbii sərvətlərinin qanunsuz istismarına diqqət çəkib və bu kimi halların yolverilməz olduğunu vurğulayıb. 1-ci və 2-ci Qarabağ müharibələrindən sonra itkin düşmüş şəxslərin tapılması istiqamətində birgə fəaliyyətin vacibliyinə toxunan Kamran Əliyev bu prosesin davam etdirilməsinin önəmini bildirib. Görüş çərçivəsində Azərbaycan, Rusiya və Ermənistan dövlət başçıları tərəfindən imzalanmış bəyanatların icrası və hüquqi sahədə gələcək əməkdaşlıq mexanizmləri müzakirə edilib.

#ictimaitv #video #televiziya #baku #videolar #itv