Straight - Lon Kirkop

Straight
🎤 Lon Kirkop
🖋️🎶Lon Kirkop

Kemm-il kelma f’ħajtek tisma’
Ġo moħħok tibqa’ ddur bil-mod il-mod
Bħal diska mkissra li ma tieqaf qatt

Tilbisx ħwejjeġ kuluriti,
Id-dwiefer tiżbogħx
La tibkix għax tidher fraġli u tiżżegleg toqgħodx
Għax għandek min-nisa quddiem sħabi toħroġx

Li kieku kelli nerġa’ ngħix mill-ġdid
Li kieku l-għażla kienet tiegħi biss lil min inħobb
Għidli jekk f’għajnejk tarax l-istess li fija tara llum
Min jaf, li kieku jien kont straight

Kemm-il xewqa kelli f’qalbi minn żgħir
Li ħajti tkun bħal dik ta’ ħuti l-kbar
F’gidba ngħix biex ma nismax

Li fi tmiem ħajti se nkun waħdi għax nibqa bla tfal
Ħadd mhu se jkolli jieħu ħsiebi la moħħi ma jkunx ċar
U jsejjaħli pa
Ħadd mhu ser jibki la mmur minn hawn

Li kieku kelli nerġa’ ngħix mill-ġdid...

Kemm nixtieq li lura mmur fiż-żmien
U lili nsib fi żmien fejn minn dak li jien bżajt
U nurik li l-futur sabiħ
Għax dak li jien illum hu li minn ċkejken xtaqt

Li kieku kelli nerġa’ ngħix mill-ġdid...

Li kieku kelli nerġa’ ngħix mill-ġdid
Li kieku l-għażla kienet tiegħi biss
Ma nibdel xejn minn dan
Għax issa wasal iż-żmien fejn fhimt li jien illum,
hu li minn ċkejken xtaqt

Li jien illum hu li minn ċkejken xtaqt.