ҚАНИ БУНИ ҚАРЗДОРЛАР БИЛСA || QANI BUNI HAMMA QARZDORLAR BILSA

- MUSLIMA SOLIHA -
⛔ Мазкур каналдан нусха кўчиришнинг барча турлари ман қилинади. Видеоларимизни YouTube, Telegram, Instagram ва шу каби бошқа тармоқларга қайта кўчириб қўйишга рухсат йўқ!
Ҳурматли каналимиз аъзолари видеоларни like босиб Telegram, Instagram ва яна бошқа ижтимоий тармоқларда дўстларингизга жўнатишингизда эса ҳеч қандай қаршиликлар йўқ.

Инсон ҳаёти давомида зудлик билан бирор-бир юмуш ёки буюмга тўлов ишларини амалга оширишга ёки саломатлигимизни тиклашга ёки яна бошқа мақсадлар билан атрофидаги кишилардан қарз олишга муҳтож бўлиб туради. Қарз олди-бердиси бугун юзага келган масала эмас, зарурат туғилганда ота-боболаримиз ҳам бир-бирларидан қарз олган ёки берган. Бундай ҳолатнинг кузатилиши ҳам аслида табиийдир.

Муқаддас динимизнинг таълимотида қарз олиш муҳтож бўлганда мубоҳ амалдир. Яъни, қарз олишга муҳтож кишининг ихтиёридаги иш, ҳоҳласа қарз олиб ўзининг ҳожатини кетказиши, ҳоҳласа қарзнинг масъулятидан қўрқиб, сабр билан қарз олмаслиги ҳам мумкин.

Қарз олувчи қарзнинг масъулиятини билган ҳолда тезроқ қайтаришни қасд қилиши лозим бўлади.
Абу Ҳурайра (розияллоҳу анҳу) дан ривоят қилинади: Расулуллоҳ (соллаллоҳу алайҳи васаллам) “Ким (қарзини) адо қилишни ирода қилиб одамлардан мол олса, Аллоҳ унинг тарафидан адо қилади (тўлаш сабабларини муҳайё қилиб қўяди), ким талофат етказишни ирода қилиб олса, Аллоҳ унга талофат етказади”, – деди. Имом Бухорий ривоят қилган.

Қарз олаётганда “тўғри келса узаман, тўғри келмаса, қарз турар” – деб эмас, балки, албатта, қарзни узиш ниятида бўлиш лозим. Чунки адо этилмаган қарз инсон ҳаётидан файз-барака кўтарилишига, одамларнинг унга нисбатан ишончларини йўқолишига сабаб бўлади. Демак, қарздор киши қарзини имкон қадар тезроқ ва чиройлироқ қилиб узишга ҳаракат қилиши лозим. Қарзини узишга етадиган моли бўла туриб уни эгасига бермай вақтни ўтказиб юриш зулмдир.

Қарз банданинг зиммасидаги банданинг ҳаққидир. Қарздор қарзини ўз вақтида қайтариб, ўзини қарздан озод қилмаса, Аллоҳ таоло унинг тавбаларини қабул қилмайди ва гуноҳларини кечмайди. Қарздорликдан ўзини сақлаб юрган кишилар дунёда файз-барака билан яшайди, охиратда ҳам алоҳида мартабаларга эга бўлади.

Савбон (розияллоҳу анҳу) дан ривоят қилинади: Расулуллоҳ (соллаллоҳу алайҳи васаллам) “Бир киши кибр(манманлик)дан, ҳаром молдан ва қарздорликдан иборат уч нарсадан ўзини сақлаган ҳолда вафот қилса, жаннатга киради”, – дедилар. Имом Термизий, имом Ибн Можа ва имом Дорамийлар ривоят қилган.

Пайғамбаримиз(соллаллоҳу алайҳи васаллам) қарздорликдан паноҳ сўраб, Аллоҳ таолога дуо қилганлар. Ҳар-бир банда ҳам қарздорликдан паноҳ сўраши лозим. Қарз оғир юк. Луқмони Ҳаким айтади: “Тошни кўтариб кўрдим, темирни кўтариб кўрдим, аммо қарздек оғир юкни кўрмадим”.

Бир донишманддан пулга муҳтож киши: “Пулга муҳтож бўлиб қолдим кимдан қарз сўрай?”- деб сўрабди. Донишманд унга “Ўзингдан сўра” дея жавоб берган экан. Бу жавоби билан донишманд тежамкор бўл, қаноатли бўл демоқчи эканлигини тушинтирибди. Албатта, оз мол-мулк ҳам тежаб, тадбир билан ишлатилса ортади, кўп мол эса исроф билан тезда йўқ бўлади.

Қарзга муҳтож кишига қарз бериш эса ажру савоби улуғ мустаҳаб амалдир. Мўҳтож кишига қарз бериш, унга раҳм-шафқат қилиш, унинг оғирини енгил қилиб, қалбига хурсанчилик киритиш бўлади.

Абу Ҳурайра (розияллоҳу анҳу)дан ривоят қилинади: Расулуллоҳ (соллаллоҳу алайҳи васаллам) “Ким бир мусулмоннинг дунёдаги ғамларидан бирини аритса, Аллоҳ унинг Қиёматдаги ғамларидан бирини аритади. Ким қийналиб қолган кишига енгиллик қилса, Аллоҳ дунё-ю охиратда унга енгиллик қилади. Модомики банда биродарининг кўмагида бўлар экан, Аллоҳ унинг кўмакчиси бўлади”, – дедилар. Имом Муслим ривоят қилган.

Қарз бераётган киши дунёда бирор бир моддий манфаатни кутмасдан, балки бир кишининг муҳтожлик пайтида унга ёрдам юбориш қилишни ният қилиши керак. Моддий манфаатни қасд қилиб ёки шарт қилиб қарз берса, судхўрлик бўлиб қолади. . Судхўрлик эса катта гунохлардан бири эканлиги барчаларимизга маълум. Хайр-эҳсон қулувчи қандай савобни қасд қилса, қарз берувчи ҳам фақат савобни қасд қилиб қарз бериши лозим.

Анас ибн Молик (розияллоҳу анҳу)дан ривоят қилинади: Расулуллоҳ (соллаллоҳу алайҳи васаллам) “Мен исро қилдирилган кечаси жаннатнинг эшиги устига “Садақа қилган одамга ўн баробар савоб, Қарз берган одамга ўн саккиз баробар савоб бор” –деган ёзувни кўрдим. “Эй, Жаброил! Қандай қилиб қарз садақадан афзал бўлади”-дедим. “Чунки садақа сўровчи кишида эҳтимол эҳтиёжига етадиган нарса бўлиши мумкин. Аммо қарзни фақат муҳтож кишигина сўрайди”, – дедилар. Имом Ибн Можа ривоят қилган.

Қарз беришнинг савоби садақа беришнинг савобидан улуғроқ экан, унинг савобини камайтирмасдан олишга ҳаракат қилиш лозим. Қарз беришнинг савобини одоб-ахлоқ билан муомила қилиш, қарздордан манфаат кутмаслик билан бўлади. Қадимда мусулмонлар қарздорнинг девори ёки дарахтининг соясидан ҳам фойдаланишдан сақланганлар.

Жалолиддин Холмўминов
“Кўкалдош” ўрта махсус ислом билим юрти мударриси
______________________

[MuslimaSoliha]

Қарздан тезроқ қутилиш дуоси

Ассалому алайкум! Бизни қарзимиз устига қарз кўпайиб кетди. Аллоҳга шукур намозга бефарқ эмасмиз, ота-онам, фарзантларимиз бор, ризқимизни Аллоҳ беряпти, алҳамдулилаҳ. Лекин қарзларимизга орттиролмаяпмиз, хақдорлар бошимизга хар хил ишларни солишмоқда, албатта сабр қиляпмиз ва қарзларимизни узиш ниятидамиз.

«Зикр аҳлидан сўранг» ҳайъати:

– Ва алайкум ассалом! Аллоҳ таоло “Оли Имрон”  сураси 26-27-оятлар.

قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ۝ تُولِجُ اللَّيْلَ فِي الْنَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الَمَيَّتَ مِنَ الْحَيِّ وَتَرْزُقُ مَن تَشَاء بِغَيْرِ حِسَابٍ۝

26. Айтгин: «Аллоҳим! Барча подшоҳликнинг эгаси! Хоҳлаган кишингга подшоҳлик берурсан ва хоҳлаган кишингдан подшоҳликни тортиб олурсан, хоҳлаган кишингни азиз қилурсан, хоҳлаган кишингни хор қилурсан. Барча яхшилик Сенинг қўлингда. Албатта, Сен ҳар бир нарсага ўта қодирсан. 27. Кечани кундузга киритурсан ва кундузни кечага киритурсан, ўликдан тирикни чиқарурсан ва тирикдан ўликни чиқарурсан ҳамда хоҳлаган кишингга беҳисоб ризқ берурсан». Ҳадисларда:

عَنْ عَلِيٍّ رَضِي اللهُ عَنْهُ أَنَّ مُكَاتَبًا جَاءَهُ فَقَالَ: إِنِّي قَدْ عَجَزْتُ عَنْ كِتَابَتِي فَأَعِنِّي، قَالَ: أَلَا أُعَلِّمُكَ كَلِمَاتٍ عَلَّمَنِيهِنَّ رَسُولُ اللهِ صَلَّى اللهُ عَلَيْهِ وَسَلَّمَ؟ لَوْ كَانَ عَلَيْكَ مِثْلُ جَبَلِ ثَبِيرٍ دَيْنًا أَدَّاهُ اللهُ عَنْكَ، قُلِ اللَّهُمَّ اكْفِنِي بِحَلَالِكَ عَنْ حَرَامِكَ وَأَغْنِنِي بِفَضْلِكَ عَمَّنْ سِوَاكَ. رَوَاهُ التِّرْمِذِيُّ.

«Бир мукотаб Али розияллоҳу анҳунинг олдига келиб: 

«Мен келишилган маблағни топиб беришдан ожиз бўлдим. Менга ёрдам беринг», деди. «Сенга Расулуллоҳ соллаллоҳу алайҳи васаллам менга ўргатган калималарни ўргатиб қўяйми? Агар зиммангда Сабийр тоғича қарз бўлса ҳам, Аллоҳ уни сендан узади. «Аллоҳумма! икфинии биҳалолика ан ҳаромика ва ағнинии бифазлика амман сивока» дегин», деди». 

Термизий ривоят қилган.

Шарҳ: Мукотаб – хўжаси билан маълум маблағ эвазига озод бўлиш учун шартнома ёзган қул. Сабийр – Ямандаги бир тоғнинг исми. Дуонинг маъноси: «Аллоҳим! Менга ҳалолинг ила ҳаромингдан кифоя қилгин. Ўз фазлинг ила мени ўзингдан бошқалардан беҳожат қилгин». Ким ушбу дуони ният ва ихлос билан фарз намозлардан кейин ўқиб юрса, Аллоҳ таоло унга қарзини узишда ёрдам беради.

قَالَ أَبو سَعِيدٍ رَضِي اللهُ عَنْهُ: دَخَلَ رَسُولُ اللهِ صَلَّى اللهُ عَلَيْهِ وَسَلَّمَ الْمَسْجِدَ ذَاتَ يَوْمٍ فَإِذَا هُوَ بِرَجُلٍ مِنَ الْأَنْصَارِ يُقَالُ لَهُ أَبُو أُمَامَةَ، فَقَالَ: يَا أَبَا أُمَامَةَ، مَا لِي أَرَاكَ جَالِسًا فِي الْمَسْجِدِ فِي غَيْرِ وَقْتِ صَلَاةٍ؟ قَالَ: هُمُومٌ لَزِمَتْنِي وَدُيُونٌ يَا رَسُولَ اللهِ، قَالَ: أَفَلَا أُعَلِّمُكَ كَلَامًا إِذَا قُلْتَهُ أَذْهَبَ اللهُ هَمَّكَ وَقَضَى عَنْكَ دَيْنَكَ، قُلْتُ: بَلَى يَا رَسُولَ اللهِ، قَالَ: قُلْ إِذَا أَصْبَحْتَ وَإِذَا أَمْسَيْتَ: اللَّهُمَّ إِنِّي أَعُوذُ بِكَ مِنَ الْهَمِّ وَالْحَزَنِ، وَأَعُوذُ بِكَ مِنَ الْعَجْزِ وَالْكَسَلِ، وَأَعُوذُ بِكَ مِنَ الْجُبْنِ وَالْبُخْلِ، وَأَعُوذُ بِكَ مِنْ غَلَبَةِ الدَّيْنِ وَقَهْرِ الرِّجَالِ، قَالَ: فَفَعَلْتُ ذَلِكَ فَأَذْهَبَ اللهُ هَمِّي وَقَضَى عَنِّي دَيْنِي. رَوَاهُ أَبُو دَاوُدَ

Абу Саъийд розияллоҳу анҳу: 

«Бир куни Расулуллоҳ соллаллоҳу алайҳи васаллам масжидга кирган эдилар, бирдан ансорлардан Абу Умома деб аталадиган кишини кўриб қолдилар. Шунда у зот: «Эй Абу Умома! Масжидда намоз вақтидан бошқа вақтда ўтирганингни кўряпманми?» дедилар. «Мени ғамлар ва қарзлар босди, эй Аллоҳнинг Расули!», деди. «Сенга агар айтсанг, Аллоҳ ғамларингни кетказадиган ва қарзларингни узадиган калималарни ўргатиб қўяйми?» дедилар. «Ҳа, эй Аллоҳнинг Расули!» деди. «Тонг оттирсанг ва кеч киртирсанг «Аллоҳумма! Иннии аъуузу бика минал ҳамми вал ҳазани ва аъуузу бика минал ажзи вал касали ва аъуузу бика минал жубни вал бухли ва аъуузу бика мин ғолабатид-дайни ва қоҳрир рижали» дегин», дедилар. Ўшандоқ қилган эдим, Аллоҳ ғамларимни кетказди ва қарзларимни узди». 

Абу Довуд ривоят қилган. 

Шарҳ: Дуонинг маъноси: «Аллоҳим! Сендан ғам босишидан, маҳзунликдан паноҳ сўрайман. Ожизликдан, дангасаликдан паноҳ сўрайман. Қўрқоқликдан, бахилликдан паноҳ сўрайман. Қарзга ботишдан ва одамларнинг ғолиб келишидан паноҳ сўрайман». Ким ушбу дуони ният ва ихлос билан эрталаб ва кечқурун ўқиб юрса, Аллоҳ таоло унга қарзини узишда ёрдам беради. ("Ҳадис ва Ҳаёт" китобидан). Валлоҳу аълам!

[Алишакиров-фй]

Роббим узинг дарди борларга шифо карзи борларга нажот бергин. Амиин

[nilufarabdumanapova]

Оллохим барча карздор момин мусулмонларни карзларидан кутилиши учун озинг йордам Бер бировни хакки бойнимизда колмасин аминь

[МавлюдаИсканова-зх]

Илохим карзларимиздан осон кутилиб олиш хаммамизга насиб этиб, юзимиз йоруг булсин иншаоллох

[odijonkhaitov]

Оллохим карзи борларга нажот бер. Хаки борларга сабр

[_norkulov_]

Карзсиз яшашликни насиб килгин Аллохим. Карз жуда огир юк.

[nodirbekmamajonov]

Оллох хамма катори мени хам карзларимдан эсон омон халос килсин амин

[baronzokirov]

Оллохим буйнимиздаги бировдан олган омонатимизни кайтариб бергунимизча узинг берган омонатингни омон сакла омин

[karimovtoxir]

аллохим карзларимизни узгунимизча жонимизни олмай тургин оминнн

[ДИЛДИЛ-ръ]

Астагфурулло ва атубу илайх
Карзсиз яшашни насиб эт оллохим алхамдулиллах

[ХолидаТожибоева-ьг]

Илохим бировдан олган карзларимизни узишимизга узинг нажот бергин оминг

[lolopepe]

Оллохим жумла муминларга, бева бечораларга, ночорларга, мухтожларга каторида хаммамизга кутмаган жойдан, гойибидан риск насибамизни берсин, карздан кутилиш йолларимизда оллохим нажод берсин.Илха Омин.

[шерзод-сц]

Оллохим мадад берсин хар Бир инсонга карзи борлар карзидан кутулсин дарди борлар дардидан Оллохим узинга осон хар Бир иш омиин

[oks]

Мухаммад р.а в .деганда юраги хапкириб согинганлар ассалому алайкум.

[nurxonusarova]

Биссмиллахи Рохмани Рохийим. Мен елгиз шундай синовдаман десам купчилиг карз синовида экан. Аввалом бор Оллохимдан хаммани карзидан кутилтириб енгиллиг беришини сурийман. Шу хаммани каторида бизаниям карзларимиздан кутилтириб огиримиззи енгил килишлигини Оллохимдан утиниб утиниб утиниб сурийман. Омийн. Оллохим охларим эштдинг деган умиддаман.

[Шухртёмный]

Субханооллох, в алхамдиллох, ва ла илоха иллоллоху валлоху акбар

[НаргизаАрабова-фз]

Кимнинг карзи бор Оллохим назар солсин. бу учун нима килиш керак имонни кучли килиб бошимизни саждага куймок лозим Аммин

[НаргизаНуриддинова-пк]

Олллохим карзларимдан кутулишимга узинг ердам бергин е Роббим!

[gullolamuhamedzhanova]

Хаммамизни мушкулимизи осон килсин, карздан кутулиш менга хам насиб килсин

[МуборакМадримова-фл]

Оллохим узинг карзларимни кайтаришимга йордам бергин. Тани жонимизни сог килинг, топганимизга барака беринг, олдингиз га йоруг юз билан боришликни насиб килинг. Амин Оллоху Акбар.