Tülkü və Durna nağılı #nagillaralemi #masal #çocuk

Tülkü ilə Durna dost idilər. Bir gün Tülkü Durnanı qonaq çağırdı. Tülkü dovğa bişirmişdi. O, dovğanı boşqaba töküb, qonağın qabağına qoydu.

- Buyur, Durna qardaş.

Durna bir dimdik çaldı, yenə xörəyi dimdiklədi, ağzına heç bir şey gəlmədi. O, nə qədər dimdiyini boşqaba döyəclədisə də, heç şey yeyə bilmədi. Tülkü dili ilə dovğanı yaladı.

Səhəri gün Durna Tülkünü qonaq çağırdı. O, südlü aş bişirib, dar boğazlı küpəyə tökdü. Küpəni Tülkünün qabağına qoyub dedi:

- Buyur, Tülkü bacı.

Tülkü çox çalışdı, çox atılıb-düşdü, amma aşa dilini də vura bilmədi. Durna asanlıqla aşın hamısını yedi.

Tülkü ac-acına geri qayıtdı. Həmin gündən onların dostluğu pozuldu.