'Цэцэгт нугын эрвээхэй' МУСТА Р.Дэлгэрмаа

“ЦЭЦЭГ НУГЫН ЭРВЭЭХЭЙ”
Уран байгалийн бүтээл
Уянга дууны хүртээл
Дэгжин хээнцэр цэцэг
Дэвэн дэвэх эрвээхэй
Нуга дэнжээ чимээд
Нутгийн үзэмж нэмээд
Зуны гурван сардаа
Зугаатайхан амьдраг
ДТ: Битгий түүнийг хөө
Хөөрхий минь айна
Битгий түүнийг үргээ
Хөгжилдөнхөн нисэг
Салхин аясанд бүжсэн
Сарнай ганган цэцэгс
Цэцэг цэцгээ дамжсан
Цэнхэр эрээн эрвээхий
Хөдөө хээрийг чимээд
Хөрөг үзэмж нэмээд
Дулаан зуны сардаа
Дураараа амьдраг
ДТ: Битгий түүнийг хөө
Хөөрхий минь айна
Битгий түүнийг үргээ
Хөөцөлдөнхөн яваг
Цэлгэр баян талын
Цэнхэр номин хөндий
Цэнгэл жаргалдаа автсаар
Цэцэгт нугын эрвээхий
Сэтгэл зүрхийг чимээд
Сэрэл хүслийг нэмээд
Таатай зуны сардаа
Тавтай сайхан амьдраг
ДТ: Битгий түүнийг хөө
Хөөрхий минь айна
Битгий түүнийг үргээ
Хөөцөлдөнхөн дэвэг