Həsən Həsənovdan möhtəşəm əsər: Bu faktları çox az insan bilir

Показать описание

#APATV #HəsənHəsənov #QHT #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi

Azərbaycanın sabiq xarici işlər naziri Həsən Həsənovun rus dilində “Silah gurultusu altında diplomatiya: Azərbaycan Respublikasının ilk diplomatik missiyası” ("Diplomatiə pod qroxot orudiy: pervaə diplomatiçeskaə missiə Azerbaydjanskoy Respubliki") adlı kitabının təqdimatı olub. Təqdimatda bir çox qonaqlar, o cümlədən siyasilər, diplomatlar, bəzi QHT və media nümayəndələri iştirak ediblər.

Beynəlxalq Münasibətlərin Təhlili Mərkəzində keçirilən tədbirdə mərkəzin İdarə Heyətinin sədri Fərid Şəfiyev Həsən Həsənovun xarici işlər naziri olduğu müddətdə Azərbaycan diplomatiya¬sının uğurlarından bəhs edib. O qeyd edib ki, həmin illərdə BMT-də Azərbaycan üçün çox vacib olan 4 qətnamə qəbul olunub: "Bu qətnamələrin yerinə yetirilməsini Azərbaycan özü təmin edib. Lakin Ermənistan hökuməti və ətrafındakı qüvvələr yenə də Azərbaycan ərazilərinə iddia edirlər. Ona görə, bu qətnamələr hələ də aktuallığını saxlayır. Kitabda bir sıra vacib sənədlər, o dövrdə BMT Təhlükəsizlik Şurasının Baş katibinin bəyanatları da yer alıb. Biz danışanda 4 qətnaməyə istinad edirik. Amma həmin bəyanatlar da olduqca əhəmiyyətlidir”.

Fərid Şəfiyev onu da əlavə edib ki, kitabda bir çox mütəxəssislərin belə bilmədiyi vacib siyasi və diplomatik nüanslar da qeyd olunub.

Daha sonra çıxış edən Həsən Həsənov kitabın hazırlanmasına hələ nazir işlədiyi dövrdən başladığını bildirib. O əlavə edib ki, kitab Əlimərdan bəy Topçubaşovun Azərbaycanın müstəqilliyinin tanıdılması üçün 1919-cu ilin payızında Fransaya gedən nümayəndə heyətinin fəaliyyətinə həsr olunub. O bildirib ki, hazırda rus dilində yazılan kitab ingilis və Azərbaycan dillərində də nəşr olunacaq: “Kitabın nəşri ilə bağlı hər kəsə təşəkkürümü bildirirəm. Onu qeyd etmək istəyirəm ki, ADA Universiteti bu kitabı dərs vəsaiti kimi təsdiqləyib. Xarici İşlər Nazirliyinin təşəbbüsü ilə Azərbaycan dilinə tərcümə olunacaq. Başqa bir təşkilat isə ingilis dilinə tərcümə edəcək. Kitabın redaktoru Macarıstanın keçmiş xarici işlər naziri, Azərbaycanı sevən şəxs Andre Ördöş olub. Əsəri Əlimərdan bəy Topçubaşovun rəhbərlik etdiyi nümayəndə heyətinə həsr etmişəm. Bildiyiniz kimi, 1919-cu ildə Birinci Dünya Müharibəsinin başa çatması ilə bağlı Parisdə konfrans keçirilmişdi və Topçubaşov da o tədbirdə Azərbaycanın müstəqilliyini tanıtmaq üçün getməli idi. Müəyyən problemlərə görə bu səfər alınmadı. Oxucular həmin dövrdəki vəziyyətlə əlaqədar göndərilmiş məktublarla və sənədlərlə bu kitabda tanış ola bilərlər. Bizim işimizi 3-cü respublikanın ilk diplomatik missiyası olaraq Əlimərdan bəy Topçubaşovun missiyasının davamı kimi qəbul edirəm. Çünki o, Azərbaycanın müstəqilliyini tanıtmaq üçün getmişdi, bizim isə BMT-dəki missiyamız Qarabağın Azərbaycanın tərkib hissəsi kimi hüquqlarını tanıtdı. Düşünürəm ki, biz də buna nail olduq”.

Kitabın təqdimat gününün xüsusi seçildiyini də qeyd edən eks nazir bildirib ki, 6 aprel 1992-ci ildə Azərbaycan hökuməti BMT-də daimi nümayəndəliyin təsisi haqqında qərar verib və həmin gündə də müstəqil Azərbaycanın təşkilatda ilk fövqəladə və səlahiyyətli səfiri Həsən Həsənov təyin olunub. Həsən Həsənov çıxışı zamanı kitabın 9 fəsildən ibarət olduğunu və Qarabağ haqqında xüsusi fəslin də yazdıldığını bildirib: “Kitabda Qarabağ haqqında xüsusi fəsil verdim. Burada mən Qarabağın e.ə 8-ci əsrdən 19-cu əsrədək hansı ölkənin tərkibində olduğu barədə qeydlər etmişəm. Burada həmçinin Qarabağda hansı xalqların yaşadığı barədə də qeydlər var ki, bu da maraqlıdır. Həmin fəslin ikinci bölməsi SSRİ dövründə Ermənistanın Qarabağı Azərbaycandan almaq cəhdləri barədədir. Kitabı yazarkən mən burada yeni faktları da əlavə etmişəm, xüsusən də erməni müəlliflərinin araşdırmalarını. Ümumi olaraq bu əməllərini yerinə yetirmək üçün ermənilərin 10-dan çox cəhdləri olub”.

20 oktyabr 1940-ci ildə Tbilsidə doğulan Həsən Həsənov müstəqil Azərbaycan Respublikasının ilk Baş naziri, Birləşmiş Millətlər Təşkilatı yanında 1-ci daimi nümayəndəsi, Azərbaycan Respublikasının 3-cü Xarici İşlər naziri, Azərbaycan Respublikasının Macarıstan Respublikasında və Polşa Respublikasında fövqəladə və səlahiyyətli səfiri işləyib.

Copyright © APA TV

Videolarda yazılan rəylərə görə kanal rəhbərliyi məsuliyyət daşımır.