Таатта төрдүгэр үрүҥ тунах ыһыах

Сахаларга ыһыах хас сайын аайы ыһыллар буолбута быдан былыргыттан олохтоммут үгэс. Оттон ыһыахтар араастаахтарын кыраайы үөрэтээччи Егор Дмитриевич Андросов ыстатыйатыттан бүгүн эмиэ санатар тоҕоостоох. Дьэ ол курдук, Егор Дмитриевич сурукка тиһэн хаалларбытынан, «Былыр сээркээн сэһэнньит аарыма кырдьаҕастар ыһыаҕы 9 тус – туспа көрүҥҥэ араартаан кэпсииллэрин үдүк-бадык өйдүүбүн. Кинилэр кэпсииллэринэн ыһыахтартан саамай былыргылара “Быа бысыһыылаах кыайыы, кыргыс хаан өрөгөй ыһыаҕа” диэн ааттанар эбит. Иккиһинэн, “алтан садаҕа чуораан ыһыаҕа”, үсүһүнэн, “түөрт атахтаах түөлбэ түһүлгэлээх ыһыах”, төрдүһүнэн,” үс атахтаах үүнэр, икки атахтаах ийэ түһүлгэлэр ыһыахтара”, бэсиһинэн, “уруу ыһыаҕа” диэн бааллара. Уруу ыһыаҕа 3 күнтэн 5 күҥҥэ , сороҕор 6-7 –лии күн устата салҕанан барара үһү. Ол ыһыаҕы ыстарааччы баай төһө-хачча кыахтааҕыттан тутулуктаах быһыылаах.

[ГалинаНоговицына-жэ]

Усть-Тааталар ысыаххтара урдук тасымна ааста.аймахтары кытта билсэн.керсен астынан а5ай кэллибит.убайбытын Сэмэн Гаврильевисы бэрткэ убаастыыллар эбит диэн астынныбыт.суоллара оносуллара буоллар сынньана дуосуйа тиийиэ этибит