JESU NANG VANGIN | Ningmuanching | Lyric Video

Показать описание

JESU NANG VANGIN
Artist : Ningmuanching
Lyric : Lun Thawmte

Ka Toupa' hon iitna lamdang lua sa'ng,
Mikhial kei hon iitna thuk in sang hi;
Khelh vaang a si ding kei hon iitman in,
Sing Kros tung ah sihna hial kei di'n hong tel.

Mellawm lou tua Kros a ki kilhdenpa,
Aw kei di'n sakmel etlawm pen ahi;
Gim gentheih zatam thuak in n'ong lei maw!
Tangtawn hinna nei ta'ng Jesu nang' vang in.

Engbawlna ling lukhu hon khusak uh,
Mihingte' nuihsan leh pampaih in om;
Tuabang teng Na thuak zong sulheilou lai,
Kei' vang in maw Toupa hiai bangteng n'ong thuak.

Kalvari tang lam manoh in a pai,
A Kros puak giksa in tawl in a puk;
Bah leh chau in aw kei di'n a pai zel,
A thuak gimna kei di'n lungmuanna ahi.

Kros tung ah enghouna chiteng Na thuak,
Simmoh leh bawl gentheih in Na om a;
Na taksa pan sisan hong luangkhia hi,
Tua sisan luang te'n ka khelhna sawpsiang ta.

Bridge:
.
Halleluiah Toupa hon phat ning e!
Kei dia hinna lampi n'ong bawlsak vang'n;
Ka moh n'ong maisakta ka bat teng zong,
Tun kei suakta hi ta'ng Jesu Nang vang in.

Tangtawn hinna nei ta'ng Jesu nang vangin.

.
.
.
.
.
.
.
#jesunangvangin #ningmuanching #lyricvideo
.
.
.
.
Please Like, Comment, Subscribe and Share!!