Pensiyaçılara 200 manat maddi yardım veriləcək

Показать описание

Əmək pensiyalarının indeksləşdirilməsi və sığorta prinsipi ilə pensiya alanlara 2022-ci il üzrə 200 manat məbləğində maddi yardımın verilməsi pensiyaçıların 92%-ni və ya 1,1 milyon nəfəri əhatə edəcək. Bu məqsədlə il ərzində əlavə olaraq 352 milyon manat xərclənəcək. Əmək və Əhalinin Sosial Müdafiəsi Nazirliyindən bildirilib ki, əmək pensiyalarının yanvar artımı fevral pensiyası ilə birgə veriləcək. Sığorta prinsipi ilə pensiya alanlara 200 manat məbləğində maddi yardım rüblər üzrə bölünməklə pensiyaçılara ödəniləcək və ilkin ödəniş fevral ayının pensiyaları ilə birgə olacaq. Bu həftə ərzində pensiyaların yeni artımlarla birgə ödənişinə başlanacaq. Beləliklə, artımlar ölkə üzrə pensiyaların orta aylıq məbləğinə münasibətdə təqribən 9 faiz təşkil edəcək. 300 manatadək pensiya alan şəxslərdə bu artım 10, daha yüksək məbləğlərdə pensiya alanlarda isə 7-8%-dək olacaq. Eyni zamanda, pensiya kapitalları da 6,7 faiz indeksləşdirilməklə artırılır.

Copyright © AZTV

Rəsmi sayt:

«Azərbaycan Televiziya və Radio Verilişləri» QSC-si ölkəmizin ən qocaman televiziya və radio qurumudur: Azərbaycan Radiosu 1926-cı il noyabrın 6-da, Azərbaycan televiziyası 1956-cı il fevralın 14-də yaradılıb.
Azərbaycan Televiziyası ölkə teleməkanının formalaşmasında böyük rol oynayıb. Bu BİRİNCİlik müstəqillik dövründə yaradılan bütün telekanalların fəaliyyətində özünü qabarıq şəkildə göstərib.
Azərbaycan Respublikasının Prezidenti İlham Əliyevin 4 sentyabr 2019-cu il tarixli sərəncamı ilə Rövşən Məmmədov "Azərbaycan Televiziya və Radio Verilişləri” Qapalı Səhmdar Cəmiyyətinin sədri təyin edilib.

#AZTV #AzərbaycanTeleviziyası