Священномученик Анфим Никомидийский

Канон святому священномученику Анфиму Никомидийскому
Припев: Священному́чениче Анфи́ме, моли́ Бо́га о на́с.
Память: 16 сентября (03 сентября ст. ст.)
Глас 8.
__
Тропарь мученикам Никомидийским, глас 2.
Страстоте́рпцы Госпо́дни,/ блаже́нна земля́, напи́вшаяся кровьми́ ва́шими,/ и свя́та селе́ния, прии́мшая телеса́ ва́ша:/ в по́двизе бо врага́ победи́сте/ и Христа́ со дерзнове́нием пропове́дасте./ Того́, я́ко бла́га, моли́те// спасти́ся, мо́лимся, душа́м на́шим.
__
Тропарь священномученику Анфиму,епископу Никомидийскому,глас 4.
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ и ве́pы pа́ди постpада́л еси́ да́же до кpо́ве,/ священному́чениче Анфи́ме,/ моли́ Хpиста́ Бо́га// спасти́ся душа́м на́шим.
__
Кондак мученикам Никомидийским, глас 2.
Тве́рди душе́ю по ве́ре, святи́и,/ огне́м страда́ние прие́мше, две тьме страда́лец/ вопию́ще Ро́ждшемуся от Де́вы:/ приими́ всесожже́ния на́ша за Тя,/ я́коже да́ры пе́рсских царе́й, зла́то, и сми́рну, и лива́н,// Преве́чный Бо́же.
__
Кондак священномученику Анфиму,епископу Никомидийскому,глас 4.
Во свяще́нницех благоче́стно пожи́в/ и муче́ния путь сконча́в,/ и́дольская угаси́л еси́ служе́ния,/ побо́рник быв твоему́ ста́ду, богому́дре./ Те́мже тя и почита́ет ны́не, та́йно вопию́ще: от бед изба́ви нас// твои́ми моли́твами, приснопа́мятне Анфи́ме.
__
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
__
Молительные стихи
Пресвята́я Влады́чице Богоро́дице, моли́ о на́с, гре́шных.
Вся́ Небе́сныя Си́лы свя́тых А́нгел и Арха́нгел, моли́те о на́с, гре́шных.
Святы́й Иоа́нне, Проро́че и Предте́че и Крести́телю Го́спода на́шего Иису́са Христа́, моли́ о на́с, гре́шных.
Святи́и сла́внии апо́столи, проро́цы и му́ченицы, и вси святи́и, моли́те о на́с, гре́шных.
Преподо́бнии и богоно́снии отцы́ наши, па́стырие и учи́телие вселе́нныя, моли́те о на́с, гре́шных.
Святи́и новому́ченицы Росси́йстии, моли́те о на́с, гре́шных.
Священному́чениче Анфи́ме, моли́ Хpиста́ Бо́га спасти́ся душа́м на́шим.
Непобеди́мая, и непостижи́мая, и Боже́ственная си́ло Честна́го и Животворя́щаго Креста́, не оста́ви нас, грешных.
Бо́же, очи́сти на́с, гре́шных.
Бо́же, очи́сти на́с, гре́шных, и поми́луй на́с.