Newroz Söylemez- Şerê Tarxan

Kilameke dengbêjan a navdar jî kilama "Şerê Tarxan" e. Behsa şerê di navbera Tahir Xanê serdarê kurdan û Şahê Ecem dike. Di vî şerî giran da Tahir Xan têk diçe û tê kuştin ku kilam li ser wî û şerê wan hatiye gotin...
04.09.2021- Destar Kafe- Enqere

[medaymed]

ŞERÊ TARXAN

Li Çiyayê Qeleniyê¹ Sîpandaxe bişewite bi wa bi dar e
taxima destê Apê Zezo Kekê Cemîlê kîraza welatî jêr e
keko îmama serî karîbar e
bira lênexista sura sibê bîna bayê Qeleniyê ji xwe ra bakî sar e
bêxwediya bêşliyê ji êvar da di destê kekê mi da zarezar e
Zezo digo Cemîlê lê dayê deng li kekê mi neke eskerê kekê mi tune eskerê Şahê Ecem hezar e
îro ji êvar da bi ser serê kekê mi da hatiye xware deng li kekê mi neke ji xewa şîrîn tu rameke
tirsim kekê mi bikujin me derbas ke nava gawirê Bûlxar e
eskerê kekê mi tune pê nikare lo lo lo lo lo lo lo lo lo lo... lo MÎrpenco birao

Hey lê dayê rebenê berfekî li me barî
e li çiyayê Qeleniyê Sîpandax e spî dike fenanê hêk e
Tarxan⁷⁶ bi sê denga bang dikirî go Têmûrxan⁷⁷
lo bira tu rabe
orta min û Şahê Ecem xirab e keskî xwedanxêr tune ku ji ba xwe da çêke
heyfa kekê te nayê li tu heyfê heyfa mi tê li wê heyfê
bêxwediya bêşliyê di destê kekê te da telam daye Şahê Ecem merivekî bênamûs e
tirsim çolix û çocixê me derbasê içeriyê ke
wele serê me herdu bira kozikê da jêke lo lo
lo lo lo lo lo lo... lo Mîrpenco birao
Zezo digo Cemîlê lê dayê wele kekê mi xweşmêr e xweş axa ye
qarişê Şahê Ecem yarim dewlet e
wey la lê nemayê yarim şah e
çawa li topraxa vî kafirî bê piştmêrî bê bira ye

heyfa mi nayê bi kuştina kekê mi gulîbirê heyfa mi tê li wê heyfê
tu bala xwe bidê bi dizgîna Gogerçîn girtin
berê wê dane Kela Makûyê⁷⁸ Sera Mexîna⁷⁹
îro ji êvar da kirin yextirme⁸⁰ ye
bi limêja sibê ra dişandin ser nalbenda ye lo lo
lo lo lo lo lo lo... lo Mîrpenco birao.




75 Li tanga Bazîdê li yalê Rojhilat e.
76 Ji eşîreta Heyderan e. Pismamê Kor Husên Paşa ye.
77 Rastiya wê divê Emirxan be. Emirxan birayê Tarxan e lêbelê Têmûrxan fermandarekî Eceman e.
78 Ev kela li bajarê Makuyê ye. Kela di sala 694an de ji aliyê Ermeniyan ve hatiye çêkirin.
79 Mexîna: Gundekî li ser Bajarê Xoyê ye û dikeve bakurê Urmiyeyê.
80 Hespê yexte yê ku bi zewadê û xwarinê bibar dibe. Zewade, xwarin, erzaq.

Şakiro
Antolojiya Dengbêjan
Ömer Güneş & İbrahim Şahin