Ora News - 'Ku punohet bëhen dhe gabime', Ambasadori austriak flet për vettingun dhe opozitën

Opozita nuk duhet të jetë patjetër dakord apo në një linjë me ndërkombëtarët kur bëhet fjalë për reformën në drejtësi. Ambasadori i Austrisë në Shqipëri, Johann Sattler, duke folur nga Korça thotë se vettingu ka disa vonesa të vogla por është në rrugë të mbarë.

Sattler: Opozita nuk duhet të jetë patjetër dakord dhe në një linjë me ne. Roli i opozitës është në fakt të jetë një opozitë e besueshme, të ofrojë alternativa dhe të sjellë opsione të tjera. Unë mendoj se ka vonesa, thjesht të vogla që do kalojnë.

Megjithatë diplomati austriak pranon që procesi ka edhe gabime.

Sattler: Aty ku hahet bëhen thërrime, kjo do të thotë se aty ku punohet bëhen dhe gabime. E rëndësishme është që drejtimi të jetë ai i duhuri, dhe që shumë shpejt të kemi një sistem drejtësie shumë më të mirë se ai i 25 viteve të fundit.

Ambasadori austriak shpreh keqardhjen që palët politike nuk arritën dot kompromisin për të kaluar në Kuvend ligjin për shkollën e Magjistraturës, por nuk i humb shpresat.

Sattler: Më vjen keq që në seancën e fundit parlamentare nuk u arrit në një kompromis. Por jam i bindur që do të ketë një mënyrë për të arritur një kompromis dhe për të gjetur një gjuhë të përbashkët.

[moisiguri]

Po mirë mor ambasador punë e quan ligjin 7501, në shtetin tënd ka ndonjë ligj ku e bashkoim pronën dhe pastai e ndaimë në pjesë të barabarta se do ta fillim njësoi nisjen e rrugëtimit, ne jemi njerëz njësoi, po jo të mbështesësh të keqen ajo do të trokasi në atdheun tënd, forma ndryshon.