🔥 Ваўкі, улада і людзі: магічнае даследаванне беларускай нацыі | Ева Вежнавец

Прывітанне, гэта Андрэй Хадановіч, і мы з вамі працягваем гаварыць пра беларускую і сусветную літаратуру. Сёння мы пагаворым пра сучасную беларускую пісьменніцу і найлепшую беларускую кнігу апошніх гадоў. Герой відэа – Ева Вежнавец (Святлана Курс) і яе яскравая кніга «Па што ідзеш, воўча?».

Пагаворым пра жыццё і творчасць Евы Вежнавец і выдатны твор «Па што ідзеш, воўча?». Гэты раман - даследаванне феномена беларускай улады і жорсткае даследаванне беларусаў. Жанр кнігі, як вызначыла сама аўтарка - «балотная казка». А сама кніга, як партызанская школа жывой беларускай мовы.

Стаўце падабайкі, дзяліцеся спасылкамі! А таксама пішыце, пра якія яшчэ творы вы хацелі б пачуць.

Змест:
00:00 – «Я не веру ў бога, але ведаю, што ён ёсць», - цытата з найлепшай беларускай кнігі апошніх гадоў
01:14 – Ева Вежнавец і геніальны твор «Па што ідзеш, воўча?»
07:44 – раман, як даследаванне феномена беларускай улады і жорсткае даследаванне беларусаў
13:32 – магічны рэалізм у кнізе «Па што ідзеш, воўча?» і як перадаць рэч з гэтага света на той
15:33 – кароткі гурс гісторыі і геаграфіі ў кнізе
18:51 – кніга, як партызанская школа жывой беларускай мовы
22:12 – асцярожны і нясмелы хэппі энд у кнізе
27:18 – мроім пра наступную людскую беларускую ўладу і працуем над тым, каб мроя зрабілася явай

Глядзіце таксама:

#Беларусь #літаратура #Хадановіч #Вежнавец #пратэсты #ЖывеБеларусь #ЕваВежнавец #сучаснаяЛітаратура

[chadanovic]

Якой будзе наступная ўлада ў Беларусі?

[sviatlanakurs]

Так! Дзякуй, Андрэй! Я ніколі не напішу кнігі, якая б не патрабавала адзнакі 18+

[andreisergeevich]

слухаў аўдыё версію гэтай цудоўнай кнігі. месцамі было вельмі цяжка. фантазія працуе таму слухаючы пра чалавечыя пакуты сэрца абліваецца крывёю. але кніга цудоўная. параіў яе ўсім сваім сябрам. а зараз яшчэ з задавальненнем паслухаў апісанне ад Андрэя Валер'евіча. дзякуй вялікі Святлане Курс за кнігу, і Андрэю Хадановічу за яго працу.

[olga]

Шчыры дзякуй спадар, Андрэй! Якая асалода Вас слухаць! Які гонар за нашых геніальных беларускіх пісьменніц і пісьменнікаў! Я пакуль яшчэ не трымала у руках кнігі Ежы Вежнавец, зараз паспрабую купіць і прачытаць. Вы так чудоўна распавядаеце!

[dewello]

Дзякуй вялікі і аўтарке гэтай цудоўнай кнігі, і спадару Хадановічу! Заўжды цікава!

[YuOoOZz]

Вялікі дзякуй за вашую працу і за спасылку на кнігу! Трэба абавязкова набыць і прачытаць.

[alenaspi]

Дзякуй, Андрэй, за цiкавы расказ пра гэтую кнiгу. Яна дала мне пад дых.
Калi пiшу нашым пакутнiкам, так хочацца распавесцi нешта добрае, яле мне усе трапляецца у кнiгах такая А так марыцца АБ добрым

[alenabaravik]

Шчыры дзякуй спадар Андрэй за цікавы эфір і цудоўную падачу!

[Цётка]

хай будзе беларус беларусу беларус у станоўчым сэнсе гэтага выразу і гані ваўкоў, вярнецца доля. Дзякую шчыра за кнігу і агляд

[ГаннаВцебскаязпалесся]

Вялікі дзякуй, Андрэй, за працу! Трымаймася, беларусы! Веры, надзеі, любові!

[beganskiy]

Учора як раз прачытаў. Дзякуй спадару Хадановічу за актуалачку 🥰

[ТатьянаМихальчук-ок]

Дзякуй , Вам, Андрэй за падрабязны аповяд кнігі Евы Вежнавец. Кнігу не чытала, але аудыекнігу слухала. Вельмі спадабалася. Слухала, можа пяць разоў. Есць што паслухаць. І размова і тэкст . Вельмі хачу набыць кнігу. Але не ведаю дзе купіць.?

[laralevushkina]

Якi асалодак слухаць вашыя размовы! Я толькi зараз вывучаюсь размаýляць ды пiсаць па беларуску хоць i перакладала вершы з беларускага. Мы як сабакi якiя разумеюць але не размаýляюць. Вось толькi хэппi энда не бачу у кнiжцы ды i навокал у Беларусi. A павешанага сабаку вельмi шкада.

[serafimapj]

Выбітны твор, сапраўдны скарб нашай сучаснай ліьаратуры. Чытаць усім! А слабанярвовым і надзвычай уразлівым (накшталт мяне) - з запасам насовак і мужнасьці.

[lenivica]

Гляджу/слухаю спадара Андрэя другі раз амаль запар: пасля першага разу - праслухала аудзіякнігу і зноў сюды. Пераварываю. Ева Вежнавец (Святлана Курс) - наша зорка

[mcKrager]

Кнiга-шэдэур. Лепшае што слухау за апошнi час. Зараз набыу у озе папяровую версыю.

[theRealWildkot]

Увосень чытала Па што ідзеш воўча? Спадабалася, але ўжо трохі сцерлася з памяці, як месцамі цяжка і балюча было чытаць, але і не адарвацца ж. . Дзякуй, пачуцці тыя аднавіліся

[sviatlanakurs]

За 11 ўладу, так. І за тое, каб мы перасталі лічыць улады.

[beganskiy]

Калі б так, і менавіта так паказвалі вайну на ТБ, літаратуры, школах...то можа і не было б такой страшэннай бяды зараз.

[dziiyana]

Вялікі дзякуй за гэтую лекцыю! Вельмі выдатны агляд!