Απολυτίκιον Αγίων Θεοδώρων Στρατηλάτη και Τύρων

Ψέλνει ο Θεόδωρος Τσουμελέκας.

Ήχος δ'. Ο υψωθείς.
Δώρον Θεού αγίαν κλήσιν λαβόντες, προς ευαρέστησιν αυτού πάντα πράξαντες, ω Στρατηλάτα ένδοξε και Τήρων κλεινέ, Άγιοι Θεόδωροι αμιλλώμενοι ζήλω, άμφω ηξιώθητε μαρτυρίου γενναίου διο συνόντες νυν εν ουρανοίς, υπέρ ημών Κυρίω πρεσβεύετε.

Έτερον. Ήχος Α'. Της ερήμου πολίτης
Δωρεών θεοσδότων τους καρπούς γεωργήσαντες, ώφθητε Χριστού στρατιώται, δι' ενθέου αθλήσεως, και δόξης μετασχόντες θεϊκής, Τήρων και Στρατηλάτα ευκλεείς, καταυγάζετε ταις θείαις μαρμαρυγαίς, τους εκβοώντας πάντοτε· δόξα τω ενισχύσαντι υμάς, δόξα τω θαυμαστώσαντι, δόξα τω δοξασθέντι δι'υμών, Θεόδωροι πολύαθλοι.

Έτερον.  Ήχος α' (Της ερήμου πολίτης)
Την λαμπράν ξυνωρίδα των μαρτύρων τιμήσωμεν,
τους επωνυμία των θείων δωρεών διαπρέποντας,
Θεόδωρον τον Τήρωνα πιστοί,
συν τούτω Στρατηλάτην τον κλεινόν
Θεοδώρητον γαρ χάριν και αρωγήν,
βραβεύουσι τοις κράζουσι
δόξα τω θαυμαστώσαντι υμάς,
δόξα τω μεγαλύναντι,
δόξα τω δωρουμένω δι' υμών θεία δωρήματα.

Κοντάκιον. Ήχος γ' (Η Παρθένος σήμερον)
Οι κλεινοί Θεόδωροι, ο Στρατηλάτης και Τήρων,
μαρτυρίου δίαυλον, τετελεκότες ενθέως, νέμουσι,
θεοδωρήτως τας θείας δόσεις, άπασι,
τοις τω τεμένει αυτών φοιτώσι,
και βοώσι γηθοσύνως
χαίροις μαρτύρων δυάς συνώνυμε.

Μεγαλυνάριον
Χαίροις των αθλοφόρων η ξυνωρίς,
οι τας παρατάξεις,
θριαμβεύσαντες του εχθρού,
Θεόδωρε Τήρων και θείε Στρατηλάτα,
ημών προστάται και αντιλήπτορες.