Şuşa Zirvə görüşü - Türk dünyasının yüksəlişinin yeni dövrünün başlanğıcı

Türk Dövlətləri Təşkilatı (TDT) dünyada yeni bir güc mərkəzinə çevrilməklə yanaşı, həm də regional iqtisadi-siyasi proseslərə ciddi təsir imkanlarına malik nüfuzlu bir qurumdur. Xüsusilə, Azərbaycanın Vətən müharibəsindəki Qələbəsi həm də Türk dünyasının birliyi üçün mühüm təkan oldu. İyulun 5-6-da Türk dünyasının mədəniyyət paytaxtı Şuşada Türk Dövlətləri Təşkilatına (TDT) daxil olan ölkələrin liderlərinin iştirakı ilə qeyri-formal sammit keçirildi.
Şuşada keçirilən Zirvə toplantısının həsr edildiyi nəqliyyat, əlaqələr, iqlim dəyişikliyi kimi çox vacib mövzular sözügedən sahələr üzrə türk dövlətləri arasında əməkdaşlığın daha da genişləndirilməsinin vacibliyini bir daha vurğulayır. Tədbir Türk Dövlətləri Təşkilatının gündəliyində duran məsələlərin dövlət və hökumət başçıları səviyyəsində müzakirəsi və reallaşdırılması baxımından xüsusi əhəmiyyət kəsb edir. Azərbaycan, Özbəkistan, Qırğızıstan, Qazaxıstan prezidentləri Macarıstanın Baş naziri Viktor Orban, Türkiyə Respublikasının vitse-prezidenti Cevdet Yılmaz, Quzey Kıbrıs Türk Cümhuriyyətinin Prezidenti Ersin Tatar, Türk Dövlətləri Təşkilatının Baş katibi Kubanıçbek Ömüralıyev Zirvə görüşündə iştirak etdilər.
TDT-nin Şuşa Sammiti Azərbaycanın öz ərazi bütövlüyünün bər¬pası üçün apardığı mübarizədə ona ve¬rilən vahid qardaşlıq dəstəyinin mesajı, türk dünyasının birliyinin nümayişidir. Azad olunmuş ərazilərimizdə keçirilən ilk beynəlxalq səviyyəli sammit olan Şuşa sammitində imzalanan Qarabağ Bəyannaməsi isə xüsusi əhəmiyyətə malikdir. Bəyannamə türk dövlətləri arasında gələcək əməkdaşlığın yol xəritəsi olaraq diqqət çəkəcək. Prezident İlham Əliyev də bəyan etdi ki, əsas hədəf TDT-nin beynəlxalq siyasətdə güc mərkəzinə çevrilməsidir. Şuşa Zirvəsi və qəbul edilən Qarabağ Bəyanaməsi bu hədəfə gedən yolda mühüm addımlardan biri, bəlkə də ən vacibidir.
Türk Dövlətləri Təşkilatı Dövlət Başçılarının Şuşa şəhərində keçirilən qeyri-formal sammiti bütövlükdə Türk dünyasının inkişafında önəmli rol oynayacaq. TDT beynəlxalq güc mərkəzinə çevrilmək yolunda inamla addımlayır və dünya gücləri bunu qəbul etməyə başlayıblar. Azərbaycanın təşəbbüsü ilə reallaşan bu görüş Türk dünyasının yeni yüksəliş dövrünün başlanğıcı sayıla bilər. Şuşa sammiti ilə Türk Dövlətləri Təşkilatının rolu daha da güclənəcək, dünyada söz sa¬hibinə çevriləcək. Avropa və Asiyanı əhatə edən Türk dövlətləri böyük iqtisadi və siyasi potensiala sahibdirlər. Müasir dövrün reallıqları göstərir ki, Türk dünyası birgə addımlamalı, birlikdə böyüyüb, inkişaf etməli, əngəllərə qarşı birgə mübarizə aparmalıdır.

[ZamiraAmiraslan]

Əvvəl düşünürdüm ki, bu bir hülyadır! Eşq olsun Türklər birliyinə! Bu dünyanın quruluşu üçün təkanı Azərbaycan verdiyi üçün çox qürurluyuq!

[emilaxundov]

Türk dünyasının beynəlxaql aləmdə nüfuzunun artması və eyni zamanda belə bir mötəbər tədbirin işğaldana zad olunmuş ərazilərdə keçiriməsi çox qürurvericidir. Türk dünyasının uğurları bol olsun.

[UlvuImanzade]

Biz Azərbaycan xalqı olaraq prezidentimiz İlham Əliyev ilə fəxr edirik və qürur duyuruq.

[UlvuImanzade]

Mən bir Azərbaycan vətəndaşı olaraq fəxr edirəm və qürur duyuram ki mən Azəbaycanlıyam.Yaşasın Azəbaycan Yaşasın İlham Əliyev.