Abana (+lyrics) - Masabo Nyangezi, 2001 - Rwanda

Abana...Ni bo kuzuka kwacu, Umwana ni umutware!
Ni bo gihugu cy'ejo, Umwani umutware!

Umwana ukivuka
Umwana ukivuka
Ntalira, burya aralirimba
Aruta ibizwi byose...binezeza
Umwana ku ibere rya nyina
Ateye ubwuzu!

Umwana ukambakamba
Iyo atangiye gukina
Yiga guhaguruka
Iyo atangiye guseka
Iyo ashaka kuvuga
Aruta ibizwi byose!

Abana...

Ni bo gihugu cy'ejo
Umwana ni umutware!

Umwana iyo yiga gutumwa
Atangiye gukubagana
Iyo atangiye ishuli
Ashaka kumenya twose
Kugeza aba ingimbi
Cyangwa se umwangavu
Afite igikundiro
Kandi atwibutsa amateka...

Ni umutware
Azaba umugabo
Azaba umugore
Azibaruka abana
Azaba umwami
Cyangwa umwamikazi
Cyangwa umwamikazi

Azaba Perezida
Ambasaderi
Azalirimba nkanjye
Azaba Depite

Azacuruza inganda
Yigishe kaminuza
Azagurutsa indege
Azaba byinshi
Azaba byose
Aliko cyane cyane
Azaba umuntu
Azaba umuntu

N'iyo yaba imfubyi
Cyangwa papa we atazwi

N'iyo yaba yirera
Cyangwa arera bashiki, barumuna

N'iyo yaba impunzi mwumva
N'iyo yaba atagira icumbi
Cyangwa yitwa Umumayibobo
Afite urubuto rwo kuba byose
Uwaruvomera
Uwarufumbira
Akarurera nk'uko urwawe rwarezwe
Nta rindi banga ryakoze !

Azaba Dogita
Ambasaderi
Ministri w'intebe
Azaba Depite
Azaba Koloneli
Azaba Profesa
Muhinzi-mworozi
Azaba ....
....
...
...

Même le Pape!

(Abana, Masabo Nyangezi, vol. "Ibaze wisubize", 2001, Rwanda)