Түргэнник ситэр көтөрдөрү иитэр Далбар Хотуттар

Билигин ханна даҕаны дьон түргэнник ситэр көтөрү иитиини сэҥээрэр. Инкубаторынан чоппуускалары таһаарыынан дьарыктанар Ытык Күөл ыалларыгар биһиги устар бөлөхпут сырытта. Сорохтор саҥа саҕалыыллар, атыттар хаһыс да сылларын үлүһуйэн дьарыктаналлар.
Ыаллар бастаан интернетинэн сымыыттары сылааһынан угуттаан таһаарар анал тэрили үлэһэн ылбыттар. Эдьиийдэрэ Любовь Константиновна бу баҕа санааны өйөөн, саха кууруссатын 22 сымыытын анаан ыыппыт. Ол эрэн, бастакы холонууттан биир эрэ чоппууска тахсыбыт. Билигин Петушок 1 ыйдаах, оттон кинини батыһа иккис угууттан 15 чоппууска тахсыбыт.
АГРАФЕНА БАИШЕВА ЫТЫК КҮӨЛ ОЛОХТООҔО
Оттон Татьяна Дмитриевна дьиэтигэр бүгүн эбиллии буолбут. Биир хаас оҕото хаатыттан босхоломмут, иккис сымыыттан саҥа тахсарын хата түбэһэ туһэн, илэ харахпытынан көрдүбүт. 4 сыллааҕыта оҕолоро инкубатор бэлэхтиэхтэриттэн, чоппуусканы таһаарыынан сылы эргиччи дьарыктанар. Онон дьиэтин иһэ өрө чыбыгыраан олорор, чоппуускалыын куоскалыын бары ыаллаһан бэркэ тапсаллар.
ТАТЬЯНА ОРДАХОВА ЫТЫК КҮӨЛ ОЛОХТООҔО
Индоутка, кө5өн, индийскэй бегунок, цезарка, куурусса араас көрүҥэ тиэргэни биир гына хаамсаллар. Оҕолорун, сымыыттарын дьон кыралаан үлэһэн атыылаһар эбит. Көстүүлүүн-майгылыын атылыы көтөрдөр хаһаайка кыһамньытынан тымныы кыһыммытын этэҥҥэ туораабыттар. Бу ийэ куурусса баттаан таһаарбыт кустарын туох да кимнээҕэр көрөр-истэр, кыһаллар-муһэллэр эбит.
ТАТЬЯНА ОРДАХОВА ЫТЫК КҮӨЛ ОЛОХТООҔО
Иһирдьэнэн-таһырдьанан кус- хаас тойуга хойдоруттан үөрэр, үлэтин быыһыгар онон аралдьыйар Татьяна Дмитриевна быйыл кэҥэс хотон туттар баҕалаах.