Ciclo 'A Axenda 2030 na cooperación municipalista' 1

O ciclo de webinars 'A Axenda 2030 na cooperación municipalista' arrinca cunha sesión sobre planificación estratéxica arredor dos Obxectivos de Desenvolvemento Sostible, con exemplos de boas prácticas en distintos países. Deste xeito, participan Leonor Romero, deputada da Diputación de Huelva, que forma parte do Fondo Andaluz de Municipios para la Solidaridad Internacional (Famsi). Paulo Ramalho, concelleiro do municipio portugués da Maia e vicepresidente da Rede Intermunicipal de Cooperação para o Desenvolvimento (RICD) e mais Pedro Laice, técnico da Associação Nacional dos Municípios de Moçambique (ANAMM), canda Abdulremane Chaca e Nelito Tiago, da cidade de Pemba. O debate está dinamizado por Luísa Feijóo, secretaria do Fondo Galego e concelleira de Ames. A actividade conta co apoio da Xunta de Galicia, a través da Dirección Xeral de Relacións Exteriores e coa UE.