ФАВҚУЛОДДА ВАЗИЯТЛАР БОШҚАРМАСИДА МАТБУОТ АНЖУМАНИ, ЭКОШАҲАРГА ПРЕСС-ТУР!

Фарғона вилояти Фавқулодда вазиятлар бошқармасида қиш мавсумида ёнғинлар ва газ-ҳаво аралашмасининг чақнаши билан боғлиқ фавқулодда вазиятлардан аҳоли ва ҳудудларни муҳофаза қилиш борасида амалга оширилаётган ишлар мавзусида матбуот анжумани бўлиб ўтди.

Анжуманда Фарғона вилояти Фавқулодда вазиятлар бошқармаси бошлиғи ўринбосари ва тегишли бўлим бошлиқлари ҳамда оммавий ахборот восталари вакиллари иштирок этдилар.

Дастлаб, сўз олган бошқарма бошлиғи ўринбосари Азизбек Қўчқоров бошқарма ва унинг қуйи тизимидаги давлат ёнғин назорати органлари томонидан 2023 йил мобайнида ёнғинни олдини олиш борасида амалга оширилган ишлар ҳақида маълумотлар берди.

Тадбирни очиқ ва самимий мулоқот тарзида давом эттириш мақсадида журналистлар томонидан берилган савол ва таклифлар муҳокама қилинди.

Хусусан, ўтган йили Қўқон шаҳридаги буюм бозорида содир бўлган ёнғин оқибатлари ва келиб чиқиш сабаблари, Фарғона шаҳрида жойлашган караоке клубида содир бўлган бир нечта инсонлар ўлими билан боғлиқ ҳодисалардан кейин республика миқёсида ўтказилган профилактик тадбирлар, соҳани ислоҳ қилиш юзасидан чиқарилган қарор ва фармонлар хусусида гапирилди.

Тадбир якунида келгусида оммавий ахборот воситалари билан ҳамкорликда амалга оширилиши лозим бўлган ишлар хусусида келишиб олинди.

Шундан кейин, ОАВ вакиллари учун аҳоли ва ҳудудлар хавфсизлигини таъминлашга қаратилган тадбирлар режаси бўйича Фарғона шаҳар "Илғор" МФЙ ҳудудида янги барпо этилаётган “Экошаҳар“ ҳудудидаги кўп қаватли аҳоли турар-жой биноларининг шаҳарсозлик норма-қоидалари, қурилиш меъёрий талабларига асосан барпо этилаётганлиги билан танишиш мақсадида пресс-тур ташкил этилди.

Янги шаҳарда одамлар яшаши учун яратилаётган замонавий, қулай шароитлар ҳамда фавқулодда ҳолатлар содир бўлишини максимал даражада олдини олиш чоралари ва режалари билан таништирилди.

#тезкор #хабар #янгиликлар #долзарб #ахборот #воқеа #ҳодиса #видео #ўзбекистон #водий #фарғона #андижон #наманган #водий24уз #мухимхабар #ўзбек #видеолар #тикток #инстаграм #фейсбук #ютуб #интернет #ижтимоий #тармоқ #ҳокимлар #президент #раҳбарлар #шавкатмирзиёев #коррупция #спорт #футбол #бокс #сиёсат #иқтисодиёт #жамият #маданият #санъат #технология #автоолам #таълим #тиббиёт #tezkor #xabar #yangiliklar #dolzarb #axborot #voqea #hodisa #video #uzbekistan #vodiy #fargona #andijon #namangan #vodiy24uz #muhimxabar #uzbek #videolar #tiktok #instagram #facebook #youtube #internet #ijtimoiy #tarmoq #hokimlar #prezident #rahbarlar #shavkatmirziyoyev #korrupsiya #sport #futbol #boks #siyosat #iqtisodiyot #jamiyat #madaniyat #sanat #texnologiya #avtoolam #talim #tibbiyot