Ua Olioli Sarai i le Toe Foi Atu o Ona Atalii | 1 Nifae 5:1–9

Ua toe foi atu Lamana, Lemuelu, Sama, Nifae, ma Sorama i le faleie o Liae ma Sarai. E ui sa masalosalo lava Sarai i lana tane, ae o le toe foi atu ma le manuia o o la atalii o se molimau lea ia te ia e moni lava na musuiaina Liae, lea ua ia tuu atu ai se molimau mamana. Ona osi atu lea e le aiga o taulaga i le latou fatafaitaulaga e tusa ma le tofiga faaperofeta o Liae.

1 Nifae 5:1–9:
1 Ma sa oo ina ua matou o ifo i lalo i le vao i lo matou tamā, faauta, sa tumu o ia i le olioli, ma o loʼu tinā foi, o Saraia, sa fiafia tele, ona sa faanoanoa moni lava o ia ona o i matou.
2 Ona fa te ia ua fano i matou i le vao; ma sa muimui foi o ia e faasaga i loʼu tamā, ua fai atu ia te ia o ia o se tagata mau faaaliga; fai mai: Faauta ua e taitaieseina i matou mai le fanua o lo tatou tofi, ma ua lē toe i ai aʼu tama tane, ma o le a tatou fano i le vao.
3 Ma sa faapea le ituaiga o gagana na muimui ai loʼu tinā i loʼu tamā.
4 Ma sa oo ina fai atu loʼu tamā ia te ia, ua fai atu: Ua ou iloa o aʼu o se tagata mau faaaliga; aua a na ou lē vaai i mea a le Atua i se faaaliga vaaia po ua ou lē iloa le agalelei o le Atua, ae ua ou nofo pea i Ierusalema, ma fano ai faatasi ma oʼu uso.
5 Ae faauta, ua ou maua se laueleele o le folafolaga, o mea ia ua ou olioli ai; ioe, ma ua ou iloa o le a laveaiina e le Alii oʼu atalii i fafo mai lima o Lapana, ma toe aumai i latou i lalo ia te i taʼua i le vao.
6 Ma sa faapea le ituaiga o gagana sa faamafanafana atu ai loʼu tamā, o Liae, i loʼu tinā, o Sarai, e uiga ia i matou, aʼo matou malaga i le vao e o aʼe i le laueleele o Ierusalema, ia maua mai le talafaamaumau o tagata Iutaia.
7 Ma ina ua matou foi mai i le faleie o loʼu tamā, faauta, sa atoatoa lo laua olioli, ma sa faamafanaina loʼu tinā.
8 Ma sa fai mai o ia, e faapea: Ua ou iloa nei ma le mautinoa sa poloaiina e le Alii laʼu tane ia sola i le vao; ioe, ma ua ʼou iloa foi ma le mautinoa sa puipuia e le Alii aʼu tama tane, ma laveai i latou i fafo mai lima o Lapana, ma tuu mai ia te i latou le mana e mafai ai ona latou faia o le mea na poloaiina ai i latou e le Alii. Ma sa faapea le ituaiga o gagana sa tautala ai o ia.
9 Ma sa oo ina matuaʼi olioli lava i laua, ma osi atu taulaga ma taulaga mu i le Alii; ma sa laua avatu le faafetai i le Atua o Isaraelu.