Bzi Tochhawng - Ka Thinlung Thu Sawi (Official Lyric Video)

Song: Ka Thinlung Thu Sawi
Words & Tune: Lalthangmawia (Tham-a)

Phalna la lo chuan channel danga min upload-sak lo turin kan inngen e.
Min lo ngaihthlaksak ve avangin ka lawm e 💞

[Thama-hmar]

Kei a hla mawi taka min sak sak a, mi hriat a min pho chhuah sak hi lalb-teii i chungah thinlung takin lawmthu ka sawi a, sa lo ta la tu hriat lohin lehkhapuan a inziakin khawi emaw laiah a la thamral mai² awm si a tih te ka lo ngaihtuah a, hetia ka sawi ai pawh hian ka lawm em² e..

[tluangtluangakawlni]

_'I kianga nui hmél phènah hian, ka tuar ṭhin i hriat loh lungngaihna te'_

Vawi tam an inkar lo nghing tawh a, lo in re-new ve fo tawh, chàn hlen a hlauh avânga vawi tam lo tlawm a, an inkar tung ding ṭâwk ṭâwk, ring ngam hlei thei tawh silo, rin loh chu duh bawk silo, thlamuang lo tak leh ngaih ngam hlei thei tawh lo, a Hmangaih chàn aia chutiang dinhmun pawha din pawi ti lo.
Rinawm taka ama tan chauha inserh hrang ve tawh tura, hmangaihna aw ka aṭanga a ngenna, a hmangaih leh duh êm êm, lêng dang laka chàn aia dinhmun laklawh tak pawh thlanga, a thil vei zawng zawng sawi chhuak ngam silo tân chuan, he hla hi a va hlu dawn êm

[hlantea]

Ka Thinlung Thu Sawi – Bzi Tochhawng, Chhui zauna:

A hmasain he hla hi hma lam êng tak nei leh hlim taka phuah leh sak a ni lo tih, chiang takin a hmuhin a hriat theih nghâl àwm e. Tin, inṭhen hnua lêt leh tùra ngenna niin a lang thei a, inkawp reng laia hmangaih tak tak tùra inngenna emaw, star te bula inngaizâwng tura ngenna emaw inngaihzàwnna lam rawngkai danga hrilh fiah emaw hriat emaw theih tak tùr a ni ang.
Cháng khatna-ah hian thil eng emaw a ngen leh tùr thuin bul a rawn ṭan a, chu chuan, a hmain a lo ngèn fo tawh a ni tih a tilang chiang àwm e. Chu a thil ngen leh chu a ngenna nu/pa a hmangaihzia chu cháng dang hmangin tar lan tum dáwn ila.
Cháng hnihna-ah, “A ngai ṭhin che a, ka thinlung hian, ka tawnmangte’n an tizual ṭhin. Vuan reng tawh la, tiam ve tawh la, eng pawh ka tan, ka tan huam ve tawh rawh” tiin ngènngawl takin a ngên a.

A ngaih ṭhin êm êm, a hmangaih chu, a mumanga a hmuh cháng phei chuan a ngai zual ṭhin hle a, amah ngêi pawh hian a hre thiam lo titih fo. Chuvangin, cháng khatna-ah, “Hriat thiam har hiala ngaitu che hi” tiin a insawi hial a. Chutiang khawpa a ngaihsak a, a hmangaih a, a ngaih ṭhin avang chuan, “Ka hlimna i kuta awm” a ti hial a ni. A hmangaih chu a hmangaihin a duh a, a ngai thlu ngang a ni, a hlimna zawng zawng pawh chu, chu a hmangaih tak kutah chuan a innghat tawp hial asin. He hla phuahtu hi, a hmangaihna vang hian a ṭap fo ṭhin ngêi ang tih a lang chiang asin aw.

Tichuan, chuti khawpa a hmangaih chu, a rilru leh thinlung chuan ‘kumtluang’ a tiam ve a, a tan engkim; ni lo, eng pawh tihsak a huam a. A tan chuan eng mah a ui zo lo va, a theih loh tùr ni-a a ngaih pawh tih a tum hrâm hrâm ṭhin si a. Chuvang chuan, “I tana engkim huamtu, keimah, keima tan ngei hian engkim huam ve tawh la ka va ti êm” tiin, a hmangaih chu a ngenin a ngèn ṭâwk ṭawk a ni.

A thu nawn-ah, “I kianga nui hmêl phènah hian, ka tuar ṭhin i hriat loh lungngaihnate, hril dàn thiam ve mawlh si lo hian, ka chhiar fo ṭhin ka thinlung thu sawi” tiin, hmangaihna-in a hriat thiam ṭhin, ‘sawi lan loh pawha hmangaihte natna hmuha hriat thiam’ chu hmua hre thiam turin a duh hle a ni tih a tar lang a. Mahse, chutianga a beisei chu, chu a hmangaih lakah chuan a hmuh miau si loh avangin a thinlungin a hrillh ang apiang chu a pawm leh mai ṭhin.

Helai hi thual nawn lawk ila, he a ngaihzáwng hi mi tam tak chuan hmangaih tlâk loh leh hmangaihna dawn phû lo ang hialah kan ngaih ka ring. A lo rinawm lo tawh emaw, amah ngèi pawh hi lo kalsanin an inkawp ṭha leh te pawh a ni maithei. A chhan chu, a thinlung thu sawi a ngaithlain a chhiar ṭhin tlat a ni.

A cháng chuan, a hmangaih chu, “Ani hian mi dang a be leh ta nge a rinawm lo leh tawh zâwk aw? Nge, keimah hian ka duh lutuk a, ka ngaihtuah dik lo kual mai mai zâwk ni ang? Kei min hmangaih lo ni-a ka hriat tlatna hi keima lam thiam loh nge ni ang a, ani hian min hmangaih lo tak tak zâwk ni ang?” tih te leh kawng dang dangin a ngaihtuah ṭhin a. “Aaa, ka ngaih dàn mai mai zâwk a ni ang, a rinawm êm êm ang, emaw, min hmangaih tak tak ang” ti-a a ngaihtuah chángin a hlim ang a, “Min hmangaih tak tak lo a nih dáwn hi” ti-a a ngaihtuah chángin a lungngai leh ṭhin thung si. Chuvangin, a thinlungin “chutiang khatiang chu a ni ang” a tih ang angin a thinlung thu sawi chu, tih theih dang a neih miau loh avangin, a chhiar fo ṭhin a ni. Chutianga a thinlung chhiar fotu a nih avang chuan, a hlimna chu, chu a hmangaihin-a a treat dàn dànin, a hmangaihna kutah chuan a innghat pumhlum tlat a ni tih chiang takin a lang thei a ni.

A bridge-ah, “Min kalsanin liam leh mah la” a tih miau avang hian, a hmangaih hian tun hma-in a lo phatsan emaw kalsan emaw tawh niin a lang a. Mahse, ani chu a hmangaih êm avang chuan, lo kalsan leh pawh ni se, ‘a hmangaihna a din reng tawh thu’ hmangin a hmangaihzia a puang a. “I kal pelh paw’n a thlir reng che a” a tih hian, a hmangaihin a kalsan hnu-ah, ani chuan lung thlu lo taka mi dang a nei a nih pawhin a hmangaihna chuan a thlir reng tùr thu a hrilh a. “Ka thlir” ti lova “A thlir” a tih avang hian, ani a hmangaihna hi chu kumkhua pawha a din reng tùr thu leh, a hmangaih chu mi dang ta pawh lo ni leh mah se, a hmangaihna chuan a ngaihven reng a, a dam leh dam loh te thlenga a ngaihven reng tùr thu a hrilh a ni.

A tàwpna berah hian, a hmangaih hian a rinawm lohsan tawh avangin rin leh har a tih thu, rilru na takin a sawi a; mahse, a hmangaih chu a hmangaih êm avangin, a rûka nat fo pawh, a hmangaih chàn ai chuan a thlan zâwk thu a tar lang a ni.
A hla pum aṭanga kan hmuh theih tâk chu, a hmangaih hian lo rinawm lohsan tawhin mi dang a neihsan tawh a; mahse, tunah chuan an inkawp leh tawh thung. A hma aṭang tawha a tana engkim huam ṭhin a nih avangin, a hmangaih chuan a tan engkim huamin tiam ve tawh se a ti a, na fo dáwn mah se, a hmangaih chu kumkhua atana thlah ai chuan, na reng chung si pawhin a hmangaih chu chelh a duh a. Mi dang hnênah a kalsan leh a nih pawhin a hmangaihna-in a ngaihven reng tùr thu leh chutiang chu thleng lova ani chu theih tâwpa hmangaih lêt ve tùrin, hmâna a lo ngen fo tawh angin a ngèn leh a ni.

Hetianga hla ṭha hi tun hnaiah hmuh tùr a váng hle a, Zirsangzela (Muangin chàwl se) hnu lama hla ṭha hmu mang tawh lo tân chuan a phuahtu hi fak loh theih a ni lo. Tin, a satu hian a zir bâkah, he hla sa tùra piang ni àwm taka a sak ‘feel’ avang hian, a satu hi theih tâwpin ka fak a ni, ani lo hian an sa ang tih a hlauhawm hial mai!

Ka hriat thiam dàna ka ‘interprete’ a ni a, a dik ber tihna a ni kher lo vang. Ka lâwm e.

[ThomasaChinzah]

Amah bzi hi ka be chak ti zawng like keuh❤

[Siakhel_a]

1 million view tling ring zawng like 👍

[Shalomi_]

Kanpa hian a hma chuan ngaihzawng min neihsan reng thina mahse tunah chuan a sim tawha he hla a ngaithla ve chiah chu i muhil hmel ka en a ka mittui a tla lo chauh ka tana i tawrhna zawng2 kha he hla thu hian a sawi fiah vekin ka hria ka khawngaih bawk che sia ka inchhir hle bawk atia❤

[lucythangpui]

Million views ring zawng leh ngaithla nawn tlut² in awm em

[Lalengmawii-wo]

Tawngkam ka thiamlo...ka thinlung thu awm pawh ka sawi chhuah thiam loh he hla thu hian arawn sawi chhuak vek kapasal duh Tak lo ngaithla ve ang che aw...ka thinlung hian a thlir reng che a ilo let leh pawn a ngai ah ka awm

[mizoguyhmar]

Ka duhnu million viewer anei leh dawn tih ka chiang million viwer ineih leh chuan ka comment like tu zat zat hi ka push up kati ang

[ietuN_vl..Purple]

Ka ngên leh dâwn che..
Vawi khat chauh D;
Ka hlimna i kuta awm leh,
Hriatthiam har hiala ngaitu che hi..
Kumtluang atân, ka tân tiam ve tawh rawh.

I kianga nui hmêl phênah hian,
Ka tuar ṭhîn i hriatloh lungngaihna te..
Hril dân thiam ve mawlh silo hian..
Ka chhiar fo ṭhin ka thinlung thusawi.

A ngâi ṭhin che a, ka thinlung hian,
Ka tawnmangte'n an tizual ṭhin;
Vuan reng tawh la, tiam ve tawh la,
Engpawh ka tân, ka tân huam ve tawh rawh.

I kianga nui hmêl phênah hian,
Ka tuar ṭhin i hriat loh lungngaihnate;
Hril dân thiam ve mawlh silo hian,
Ka chhiar fo ṭhin ka thinlung thusawi.

Min kalsanin liam leh mahla,
Ka hmamgaihna a ding reng tawh a;
I kal pelh pawn a thlîr reng che a,
I lêt leh pawn a ngaiah ka awm....

I kianga nui hmêl phênah hian,
Ka tuar ṭhin I hriat loh lungngaihnate;
Hril dân thiam ve mawlh silo hian,
Ka chhiar fo ṭhin ka thinlung thusawi..


Ka thinlung hian rin leh che zawng har ti mahse..
Chu aia har zâwk chu;
Kumtluanga thlah liam che hi...😢

❤❤❤❤❤❤❤
Lc, i tân ka hlân aw..
Ka hmangaih che aw..
I la inpeih loh pawn ka lo nghâk reng che..


"Engpawh ka tân, ka tân huam ve tawh rawh..."😊😊❤❤❤❤❤❤❤❤

[VlVanchhawng-svwy]

ka pasal kha engkim hre vekin rin harsa ti chung leh ringlo phal chuang siloin ka vuan hram2 a, vawi tam ka ngaidam a, chhungril dam lo mahse, a mah chauh kha ka thlan chu ani.chuta karah a chhungte anlo inrawlh ve reng bawk nen, 1 tan chauh chuan kan inkar vawn ngheh reng theih ni hek lo, kan han awmhranga, a ni chuan min hre tawh ngailo ang maiin hmeichhe hrang2 a be kuala, a mah avanga ka kehchhiat vek hnu pawn amah chauh ka la duh a, a mah lo chu ka la ti fan. amak ka ti a, , ka ngai a, engtiklai mai pawn ka ngaihtuaha, ka rinna chhe tawh mahse harsa ka tih zawk chu kumtluanga a, amah thlah liam hi a ni.😢

[VincyAni-su]

He hla hi ka hmangaih ber in a min thawn hma kha chuan ka hre ngailo. Mahse induh reng si in kan inthen a he hla hi min rawn send a, kha ni a tang khan he hla ngaithla chung hian zan mu ka chhing a zing ka thawh pui bawk a. Ka ngai takzet che. Naute

[LalhlimpuiaChhakchhuak-lk]

ka hmangaihna a ding reng tawh, i kal pelh pawn a thlir reng che a, i let leh pawn a ngaiah ka awm😢😢

[ZoviTC]

Hunpui alo herchhuak leh dawn ta reng mai lunglen a kaitho zel mai chu ania, tun ang hun tawn ten lunglen a kaitho zel chu ania, I phuah thiam in a mawi khop mai ka ngaithla reng mai nih hi, ka idol inih hi

[iantaona]

He hla kher2hi chu ubzi hian sa lo se tiang hian nalh ka ring lo a sa nalh thlawt ani thinlung leh rilru Zawng2 a sa tih chiang sa lung leng thiam si lung a ti leng ngawih2

[lucychhakchhuak]

Ka sawi thiamlo A hla hi a naaaa😢”Ka thinlung hian rin leh che zawng har ti mahse chu aia har zawk chu kumtluang a thlah liam che hi”

[applejuice]

Ka comment hi minlo like sak..1k tling chuan poisa ka dawng dawn a😢❤

[xSukuna_roblox]

I zaithiamin i aw hi ava han sial tak em, ka duh lutuk che, kan veng in ang in emaw in hmelhriat ni ila chu ka chhuah miahlo ang che, min duh hma chu ka try char char ang che, kum10 minlo nghak la kan in ngai zawng dawn nia ti la chu kum 10 aia tam pawh ka nghak char char peih ang che, i hla sak ho hrim hrim hi vawi20 aia tam mah amal te te hian ka ngaithla tawh ang

[ecolneymizo]

Zaithiam em em nu ❤❤ theihtawp chhuahzel la sang takah invawrh turin duhsakna ka hlan ache..

[lalnunfelafela]

Bz. Khawngaihin 2024 ral hma in lo in lan ve hram teh khawngaihin I fans te tan tal ...