Oomblik van 'ontmoeting': Ma sien seun ná drie dekades

Die trane van blydskap het Saterdagoggend behoorlik gevloei toe ’n Bloemfonteinse ma ná meer as drie dekades met haar seun in dié stad herenig is, berig Kaydene Davids.
Rina Smit (78), ’n inwoner van die Serenitas-aftreeoord in Bloemfontein, het Saterdag gegil van blydskap toe sy ná meer as 31 jaar haar seun, Dennis Haynes (52), gesien het.
Beide ma en seun het met trane in die oë mekaar omhels terwyl familie en vriende aangedaan toegekyk het.