Golemo Ezero, Pelister, Baba Planina, 18.03.2012

Убав сончев ден, тивок и без ветер, ден недела 18-ти март, снег над колена. Многу снег? Разбирливо кога се работи за една од најубавите планини со алпски карактеристики во Македонија, Пелистер (Баба Планина). Уште едно успешно искачување на трочлена група ентузијасти до едно од двете глацијални езера Пелистерски Очи, овој пат Големо Езеро кое се наоѓа на надморска височина од 2,218 метри. Уникатна глетка на замрзнато езеро и завеан планинарски дом окован со снег од сите страни. Тоа е силата на планината!