PORTELLI MGĦAJJAR MILL-FAZZJONI TA’ BUSUTILL

ONE.COM.MT •Ġlied, għajjat u tgħajjir u waqtiet kbar ta’ tensjoni bejn il-fazzjoni tal-Kap Nazzjonalista Adrian Delia u l-fazzjoni tal-eks kap Simon Busuttil ikkaratterizaw il-laqgħa tal-eżekuttiv li saret it-Tnejn filgħaxija u li wasslet ukoll għar-riżenja ta’ Pierre Portelli minn Kap tal-Midja tal-Partit Nazzjonalista.

Sorsi fil-laqgħa tal-Eżekuttiv qalu lil One News li
Pierre Portelli żvela messaġġ ta’ Daphne Caruana Galizia li fih qaltlu li se tagħmel ħilitha kollha biex Delia ma jsirx Kap tal-Partit Nazzjonalista.

Dan il-messaġġ qajjem rabja kbira fost l-esponenti ta’ Simon Busuttil li bdew jgħajtu kemm jifilħu u sostnew li Portelli missu jistħi jsemmi lil Caruana Galizia. Hawnhekk l-ewroparlamentari David Casa qam u telaq ’il barra mil-laqgħa u warajh ħarġu jiġru ‘l barra l-membri l-oħra bil-laqgħa tintemm ħesrem.