Top News/ Investimi i Trump në Sazan / Kryeministri Edi Rama për FT: Kemi nevojë për superluks

Në një artikull të titulluar: “Vendi evropian që luan kundër SHBA-së, Rusisë, Kinës dhe Evropës”, prestigjozja Financial Times trajton investimin e dhëndrit të Donald Trump në Serbi dhe Shqipëri dhe impaktin që do të ketë në marrëdhëniet e fqinjëve Ballkanikë, Shqipëri, Kosovë, Serbi.
Financial Times ka pyetur kryeministrin Edi Rama për investimin që Kushner po planifikon të bëjë në një projekt turistik luksoz në Shqipëri. “Ne kemi nevojë për super luks ashtu si një shkretëtirë ka nevojë për ujë,” thotë Rama, duke shtuar se Kushner dhe Grenell bënë uverturën në Shqipëri përpara se të ktheheshin për të investuar në Serbi. I vetmi ndryshim, shton ai, është se në Shqipëri ishte Kushner, jo Grenell, ai që bëri qasjen fillestare. “Në Serbi sigurisht që Grenell ishte prezantuesi, por këtu jo”, thotë Rama.
Grenell, konsiderohet si sekretar i mundshëm i shtetit nëse ish-presidenti Donald Trump fiton një mandat të dytë, dhe ai ishte i pari që hodhi idenë e një investimi të tillë në Beograd kur ai ishte i dërguari i Trump për Ballkanin, por tashmë pjesë e këtij projekti është edhe Shqipëria.
Në fakt Kushner dhe Grenell nuk janë investitorët e parë të mëdhenj që mes vendeve të Ballkanit zgjedhin Shqipërinë dhe Serbinë. Njëjtë ka ndodhur edhe me sipërmarrësin e Emirateve të Bashkuara Arabe, Mohamed Alabbar, me Jahte Marina Durrës në Shqipëri. Në artikull thuhet se Vuçiç sheh mundësi për investime nga kushdo që fiton zgjedhjet në SHBA dhe se kjo marrëveshje shihet thelbësisht politike, më shumë sesa ekonomike dhe zhvillimore.

Pamje: AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Sazan#Rama