Desa Wasagami Oba Nopenennata - Punya Kathriarachchi

දෑස වසාගමි ඔබ නොපෙනෙන්නට
සිහිනෙක දැවටී ඔබ එනවා ...
හිත හිර කරගමි ඔබට නො එන්නට
සිතුවිල්ලක් වී ඔබ එනවා....

අහසට ඔසවන විටකදි නෙත් යුග
හිරු සඳු වී ඔබ හිනැහෙනවා...
මිහිමත පියකරු දසුනක් වේ නම්
ඔබ රුව ඒ තුළ දැවටෙනවා...

පාළුව ඉවසා මා තනි වෙද්දී
සුසුමක් වී පසුපස එනවා...
කල්පිත ලෝකේ ගී පොත පෙරළා
ගීයක් වී ඔබ වැළපෙනවා...

අහසත් පොළොවත් ඔබමද මා හට
නැතිවද ඔබ මා හැර යන්නේ
තහනම් දේසේ බැඳි බැමි බිඳ දා
කෙදිනද ඔබ මා හමු වන්නේ...

ගායනය :- පුණ්‍යා කත්‍රිආරච්චි
ගී පද :- දයා ද අල්විස්
තනුව :- ගුණදාස කපුගේ

[delanisomathilaka-gril]

මේක යූ ටියුබ් අප්ලෝඩ් කරල තියෙන්නෙ 2012 සැප්තැම්බර් 2.එදා නිකමටවත් හිතුනෙ නෑ මේ සින්දුවේ කියවෙන දේ ඒ විදියටම අද මට අත්දකින්න වෙයි කියලා.

[dush]

ආදරය ලග නැතත් ... ඒ ආදරයට මොනතරම් ආදරේද දැනෙනවා..මේ සින්දු අයේ අහන්න දුන්නට ගොඩක් ස්තුතියි.

[priyanthakumara]

මම මේ සින්දුව අහද්දී පුංචි කොල්ලෙක්. අද මම වැඩිහිටියෙක් විදේශ රටක සේවය කරන.ඒත් එද මට දැනුන හැඟීමම අදත් හිතට එනවා. මේ වගේ ගීත ආයේ උපදින්නේ නෑ. ගොඩක් පින් මේ සිංදුව යූ ටියුබ් එකට එකතු කරපු 🙏🙏

[adithyaadeshan]

දයා ද අල්විස් මහත්මියගේ ලස්සන සිතුවිලි ❤

[Vihu]

එක දිගට සියපාරක් උනත් අහන්න පුලුවන්.භාවනාවක් වගේ.

[ChandrikaKumudini-qf]

හරිම සුන්දර ගීතයක්.මුලින්ම කනට ඇසුනු දා පටන් අදටත් රසයෙ කිසිම අඩුවක් නැතිව අහන ආසම කරන ගීයක්.

[moon..]

ඇත්තටම ආදරේ කරපු ගැහැණු හිතක හැගීම් ලස්සනට ලියවිලා..කිසිම ගැහැණු කෙනෙකුට ආත්මාර්ථකාමි පිරිමියෙක් ආදරේ කරන්න මුණ ගැහෙන්න එපා.මේ සින්දුව ඇහෙද්දි මට හිතුණේ එහෙමයි .මගේ අත්දැකීමක් එක්ක..😊❤

[ThusharaRavindra]

මේ වගේ ලස්සනට ලියන, ගයන මිනිස්සු හිටපු රටක ජිවත් වෙන්න ලැබීම වාසනාවක් !

[renukabalasooriya]

ලස්සන අර්තාන්විත, හැගුම්බර පද වැල්...
සන්ගීතය සහ කට හඩ සමග ලස්සනට ගැලපෙනව..හරිම ආසාවෙන් එක දිගට කීපසැරයක් අහන්න පුලුවන් සින්දුවක්.❤❤❤❤👍👍

[chamika]

ආදරයක් ඇත්ත, නැතත් විරහ වේදනාව දැනෙන ගීත රසවිදින්න ලැබෙන එක ආදරයක් ලබනවාට වඩා ජිවිතයට සංවේදියි, සැනසිලිදායකයි.

[anurashantha]

අද කාලයේ මෙවැනි ගියක් පෙන තෙක් මානයකවත් දකින්නට ලැබේවි කියලා හිතන්න තුළ තිබෙන හැඟීම්, කම්පනය, වේදනාව ...එ සියලු දෙ එක්තැන් කොට පද රචනය වුත් ඒ වගේම කටහඩත් සමඟ සම්මිශ්‍රණය උන ඉතා මිහිරි ගිතයක් ....🙏🙏🙏🙏

[avidrationalist]

ආදරය හිතට දැනුනු දවසේ ඉදලා අද වෙනතුරු, හැමදාම හිත විරහ‌ වේදනාව නැමති සුන්දර සිතිවිල්ලෙන් පුරවන ඒ අරුම පුදුම සිංදුව...මැරෙන මොහොතෙත් අහන්න ලැබෙනවා නම් ඒ තරම් සුන්දරයි. මේ ගීතයේ පදවැල සහ සංගීතය අකාලිකයි. Love it. නිතරම හිත ඇතුලෙන් ඇහෙන සිංදුවක්. ඊයේ රෑ මට මේ සිංදුව හීනෙන් ඇහුනා, සිංදුවට පදනම් උන සිදුවීම නම් ඒ තරම් පැහැදිලි නොවුනත්, ඇහැරුනාට පස්සේ මේක ආයෙත් අහන්න හිතුනා...ඒකයි මේක youtube එකේ ‌search කලේ...😍😍

[niroshaabeysinghe]

ගැහැනියගේ ආදරයේ ගැඹුර විදහා පෙන්වන ගීයක්..කොයි තරම් ඇහුවත් එපා වෙන්නෙ නෑ..විරහවේ සුන්දරත්වය ..❤

[priyangava]

තහනම් දේසේ බැදි බැමි බිදදා කෙදිනද ඔබ මා හමු වෙන්නේ

[chrisanthafoneka]

ම්හිමත පියකරු දසුනක් වේනම් ඔබ රුව ඒතුල දැවටෙනව

[Indranihewawitharana-ggge]

හරිම ලස්සන, අර්ථවත් ගීතයක්.ප්‍රිය කරමි. ස්තුතියි.🌹🌹

[anjulajayamalw]

❤❤❤ නින්ද නොපැමිණි අදත් අහනවා.. කිවෙනි පාරද කියන්න මම දන්නෙ නෑ..❤❤❤❤

[anurakiriella]

, ,අස්වහගෙන අහන් ඉන්න පුලුවන් ලස්සන ගීතයක් .

[anurakiriella]

විරහවකත් ආදරනීය බවක් තියනවා ඒකහරි සුන්දර මතකයක්

[dhammadiscoveremb]

අතිශය සියුම්ව ප්‍රේමයේ සියුම් විග්‍රහයකි. ඉතා සුන්දර පද මාලාවකට සුන්දර සංගීතයත්, හඬත් එක්වූ කදිම නිර්මාණයකි.