YOUPPI X YOUPPI - CAMBUSA 2 (Prod by MBM)

YOUPPI X YOUPPI - CAMBUSA 2 (Prod by MBM)

Beat by : Dee Prod
Mix / Master : MBM Producer

Follow us on instagram

[adelsweezy]

! ⁦❤⁩ 3echt la même histoire hkitha f une chanson wesemha "camele⁩on 1" une fille 9rat m3aya f primaire
merci pour ce chef d’œuvre l'artiste 🦾 ki t3ich lehkaya tzid ta3adjbek el khedma ktar 🎩

[sabrisabrin]

والله وجعني قلبي شحال من وحدة بريئة صرالها هكذا الله لا تربح لي كان سبب و ربي يعفو و يتوب على كل ولية غير ربي عالم بحالها😢

[tikostyle_]

Hada youppi li nhabo style last message 🔥

[riadhhadjali]

lyrics :
- بدات الحكاية نهار دخانا لكاباري صغار حبينا نديكوفريو فهاد الموند لي صاري

-اça arrive تكون فضولي تتسرع و ديماري شفنا برا ناس لاباس غير لي مڨاري ب فيراري

-نهار دخلنا ديكوفرينا ناس ماشي تاع نهارلي محطم فالكونطوار لي فرحان يديفولي

-ديكوفرينا بلي كاين ناس effet miroir باش نحكيلك l'histoire راح نطول désolé

-بزاف des cas كانو قدامي désigné لي يبرح بعط خشين و لي يدور سكيمي

-بنات الليل يدورو بيك و نتا ساوم و ميز و باش لي راك حاب خرج باكي و فريمي

-حتى بانتلي وحدة من وحد côté تبان حشمانة و جديدة وشنو قمة ف la beauté

-غرني الشيطان و حبيت عليها نصوطي قلت نروح معها نقاشح و نجريلها زربوطي

-نهار رحت لڨيتها صغيرة حسيت روحي شغل fautif ڨلتلها معليش نهدرو دارت ڨالتلي ok

-ثما ولالي العقل ڨلت وش راني ندير هنا شكون هذي و شكون هذو بقيت معاها مبلوكي

-ڨالتلي لا جيت تشوف قبلك شافوني بزاف ولا جيت تفري صلاحك هاو le prix و بلا تشناف

-ڨالتلي الخلاص ثقيل إلا لي فجيبك خفاف ڤلتلها خليني نهدر ما ندي من وقتك عام

-ڨالتلي وش راك حاب انا ڨلتلها نحكو ڨالتلي مارانا صحاب باش نقعدو نضحكو

-ڨلتلها معليش الصبر راح نعطيلك حق الضر وش عطلتك راح تخلصي ڨالتلي يكفيني سطر

-نهار لي شمت رطابت ثم ڨلتلها وش جابك يا طفلة وين كانو داركم و وين راهم حبابك

-نتي لي جاية للدنيا و الدنيا عليك صعابت هذي بلاصة ماشي تاعك حتى الضحكة عليك غابت

-ڨالتلي يا وليد الناس لي كيما انا هنا بزاف علاش راك حاب تعرف حكايتي منك داني وسواس

-قبل ما نعيط لل videur قبل ما نبدا معاك التواس ڨلتلها غير كالمي روحك غالي انا ما نرخاس

-ڨلتلها في وجهك خوف وجه الخروف معروف راكي هنا جديدة ماشي وجه تاع لي يسهرو

-مافيكش même pas les cernes لي عليهم يظهرو جات الدمعة فعينيها و نشف الدم فالعروڨ

-ڨالتلي عندي شهرين ملي كنت عايشة فالدار كنت لاباس عليا و كيما ڤاع الناس نشوف النهار

-كنت لاباس عليا نقرا فالجامعة و لي صار c'est que عرفت وحد العبد وصلني للإنتحار

-كان واعدني باش يجي يديني على سنة الله كنت نحبو و la preuve ضربت ربعة سنين معاه

-كان مسكني لامان و هكا عام يطبع في عام و عندي بزاف خاوتي بلا ما نحسب شحال

-حتى جاني وحد النهار ڨالي نوريك للدار كانت فيا فرحة كبيرة كيما تشوف دراري صغار

-ڨالي غدوة ارواحي صباح لبست مليح ركبت الكار لحقت الباب فتحلي ڨالي ادخلي ثم بدا الكوشمار

-لا باباه لا يماه لڨيت صحابو يستناو خفت و جيت نروح للباب زوج بداو يدناو

-بلا ما نكمل الحكاية داو لي كانو يتمناو و انا غارقة فدموعي دمي سايل و تهناو

-نهار طلڨوني داني شوك و خايفة نحكي للدار خفت النظرة تاع الناس مور ما صار لي صار

-خفت يڨولو هذي هيا الطفلة لي جابت العار بقيت في سكاتي نتخبط و في قلبي كاين نار

-مور ما فاتو شي يامات جاتني الكارثة الكبيرة كانت كاينة روح فكرشي وانا لي ماجبت خبر

-نهار لي ما صرالي كي لبنات ثما انا بداتني حيرة حتى طريڨ gynéco تڨول مشيتها على الجمر

-نهار لي ڨالي حسيت بلي حياتي راح تخلاص ثم الحالة بدات تتزير و الحيلة ما بقات فالراس

-انا كرهت واش ندير صغيرة مانعرفش نسير حكيت السر لصحبتي لي ما خالتو في بير

-بدات تتعاود الهدرة و تتبدل النظرة و انا غير نبكي مالخوف دمعتي ولات حمرة

-مشا الخبر كيما النار و لحق لخويا الكبير جا لدار باش يقتلني و انا قتلتني الحسرة

-نهار دخل قتلو كذبو عليك مازالني عذراء غدوة رجلي على رجلك للطبيب نشوفو واش صرا

-ثم قنع و كالما روحو و انا نستنا فالليل رقدو الدار رفدت الكابة وين كنت رايحة يا درا

-بديت نبات ف les auberges و سياقة فالحمام و نخمم في كرشي كي تتنفخ يبدا ال problème

-بديت نخمم نطيح البيبي بيدي ندير الحل مي الدراهم لي كانو عندي مايكفونيش quand même

-و خممت نجي لهنايا نجمع sommes و نفريها وبانتلي وحد الدار ڨلت نديرها و نكريها

-نهاري اللول خفت البلاصة بهاد الناس لي فيها شفت فوحدة تبان قديمة داوني رجليا ليها

-كي حكيتلها الحكاية عطاتلي الدراهم طيحتو مي لازم نرجعلها العط لي عليها سلفتو

-خدمت بيا شي يامات عطاتني الغبرة و الحكايات حكمتني ماليد لي توجع بيها ما نقدر نتوب

-قلتلها علاش ما شكيتيش لوكان هنايا ما جيتيش لوكان مازالك فدارك علاش ما إيفيتيتيش

-ردتلي حتى كي نقول هاد شي ماشي مقبول واش داني لدار السيد اللخر في خاوتي مهبول

-ڨالتلي فالمرة الجاية اهدر معايا فالمعقول ڨالتلها كملي الحكاية ماراح نڨطعلك القول

-ڨالتلي وليت اتيكت و نسنيفي بزاف وليت نخدم على البيضة و ما نولي للنشاف

-اmalgré رديتلها الدراهم مازالني طفلة و نخاف ضك شواكري يقتلوني لوكان نهرب مالتكتاف

-بقيت نشوف فيها ساكت و مالڨيتش واش نڨول بنات الناس لحڨو حنايا قولي شكون المسؤول

-شحال من وحدة كيما هيا برك مساكن مايحكوش والناس تحكم غير بالعين خاطر منها ما سمعوش

-علاش ماكاش لي سلكها مالشي لي راهي فيه علاش ماكاش لي يحبسلها الشي لي راهي تسنيفيه

-علاش ماكاش لي يساعفها و يصوڥيها مهاد l'effet علاش ماكاش لي يسترها و يقبل بهاد ال défi

-مور ما سمعت عفت الدنيا و هي عيفتني من كان هذي حكايتها فكرتني بلي انا ثان إنسان

-مور ما رحت خليتها و انا عايف هاد الزمان الله يعفو على جميع واحد ماشي فال côté العيان

-و صاايييي
tcheb 💪 big up bro the best story ever ❤️

[TumodomiRishika]

الاغنية هدي سبحان الله غي نسمعها نحسها تحكي عليا مي لوكان مشيت بقلبي مزية جيت الحمد لله قريبة من ربي ونجاني منهم كما يقولك مول النية لاماربحش يسلك على خير ♥♥♥

[nasroboudjellab]

المستوى الحقيقي تاع الفنان في يظهر في هذا المواضيع لي تبين رسالة و معاني بدون نسيان الموسيقى طبعا ❤
يعطيك صحا أيوب.... تلقى الخير

[PAPI_DZ]

هذا هو الراب الحقيقي يحكي الواقع المرير والحزين وخبايا الدنيا الدونِيّا 🔥🔥💯💯🎩🎩🎩

[أسامةقواسمية]

أقسم بينما أنا أصغي الى هذه الكلمات الرآئعةة رسمت في مخيلتي كل حدث تحدثت عنه أنت فعلا فنان من عالم أخر أتمنى من الراب الجزائري أن يواصل في مثل هذه الأغاني الواعيةة .. ريسباكت أيوب 3>

[diyanakpop]

هدا هو الرجل لي يحكي الواقع ماعندو واش يزيد الهدرة حتى الآن الغنية مكاش لي يقدر يخرج حكاية بها. من غير يوبي

[Reine_Algerienne_]

كارثة ربي يستر الولايات ويخرج في ولاد لحرام 🥺💔

[belkacem]

يعجز اللسان عن تعبير 😢
Bravo ♥️يوبي
💪💪💪

[riyadriyade]

المعنى الحقيقي للفن
كلمات من قلم و القلم من ذهب 🎈🙏🏻
حكاية المجتمع

[hachemihachemi]

ما عندي ما نقول.... فنان او طبيب قلوب😥😥😥👏👏👏يوبي الماسة النادرة🇵🇸🇩🇿

[Actupress]

مع استماعك لهذه التحفة … كل سطر يشكل في مخيلتك مشهد .. و تعيش القصة بتفاصيلها … ابداع منك يا أيوب ❤️

[mohamedseifelislambenahmed]

سمعت الاغنية اكثر من عشر مرة وكأنني كل مرة أقرأ شيء جديد في هاته الاغنية وكأنني أقرأ رواية لدوستويفسكي .فنان يوبي نريد منك تكثر من هذا الفن👌👌❤️

[otsmaneismail]

Merci Youppi Sur ce clip musical qui raconte la souffrance de la fille des origines, tu nous émerveilles toujours avec des mots qui expriment l'amère réalité que nous vivons dans cette société corrompue. Mon conseil à chaque fille qui lit ce commentaire est de rester à l'écart de toutes actions qui nuisent à votre famille.

[chamimohamedofficile]

Cet homme est un grand artiste qui mérite respect et appréciation 🦾⁦🦾⁦❤️⁩

[khadidjakhado]

بعد شحال من الزمان تبكيني غنية يا ربي سترك ولطفك بيا يا رحمان يا منان 😔😔😔

[WafaNR-wmwg]

اغنية يقشعر منها البدن مزيج من الاحاسيس عاشتها معضم بنات هذا زمان. اغنية تتكلم عن واقع ليس خيال كباقي الاغانيش. مشاعر جسدتها في الواقع. ارفع لك القبعة

[Mohamed-kgfu]

❤اي حكاية جعلها يوبي اغنية اعرف انك ستعيش و تستمع معها و ترسم سيناريو لها داخل مخك ❤