RTV Ora - Prokuroria administron gjurmët e gishtërinjve të Agim Kajmakut

#rtvora

Pas Valdrin Pjetrit, Agim Kajmaku është kryebashkiaku i dytë i dalë nga votimet e 30 qershorit që dorëzon gjurmët e gishtave në policinë shkencore pas akuzave për fshehjen e dënimit jashtë vendit.

Prokuroria e përgjithshme tha se ka administruar shenjat e gishtërinjve të kryebashkiakut të Vorës Agim Kajmaku. Katër ditë pas kërkesës së dorëzuar zyrtarisht në zyrën e tij kryebashkiaku i Vorës është paraqitur në policinë shkencore dhe ka depozituar shenjat të cilat më pas i janë dorëzuar prokurorisë së përgjithshme.

Sektori i dekriminalizimit ka nisur hetimet lidhur me akuzat e Partisë Demokratike se i zgjedhuri i PS ka fshehur arrestimin dhe dënimin në Janinë në vitin 2003. Gjurmët e marra nga policia shkencore do ti dërgohen me ane te letër porosisë shtetit grek për të kryer krahasimin me shenjat e Jorgo Totos, për të cilin PD thotë se është i njëjti person me kryebashkiakun.

Ditët e fundit selia blu ka publikuar dokumente dhe foto nga sistemi TIMS të cilat i përkasin Jorgo Totos në letërnjoftim me nr. Z 0148497. Sipas krahasimeve të PD, personi i arrestuar në Greqi është i njëjti me Agim Kajmakun pasi ka numër të njëjtë pasaporte dhe ngjashmëri në foto pavarësisht moshës.

Nga ana tjetër i zgjedhuri i PS në Vorë i ka hedhur poshtë akuzat dhe ka publikuar fletët e pasaportës me të cilën ka udhëtuar në Greqi vitet e fundit me emrin agim Kajmaku.

Pas hyrjes në fuqi të ligjit të dekriminalizimit në vitin 2017 prokuroria e përgjithshme krijoi një sektor të posaçëm për hetimin e zyrtarëve që fshehin dënimet e dhëna ndaj tyre brenda apo jashtë vendit.

Gjatë tri viteve të fundit në kuadër të hetimeve të nisura prokuroria ka marrë shenjat e gishtave të më shumë se 50 zyrtarëve në nivel lokal e qendror.

Pak ditë pas dorëzimit të shenjave të gishtave kryebashkiaku i zgjedhur në Shkodër Valdrin Pjetri dha dorëheqjen për shkak të precedentit penal në Itali.

Hetimet për këtë rast por edhe për akuzat e PD ndaj Agim Kajmakut vazhdojnë në pritje të provave nga vendet respektive në Itali dhe Greqi.

Për më shumë lexoni në:

Follow Ora News

[santisantino]

Vè bast qè do dergojnè shènja gishtèrinjshè tè dikujt tjeter..hahahahahaha 🤣