Үбүлүөйгүнэн,Николай Ефимович!

Убаастабыллаах Николай Ефимович, бүгүҥҥү өрөгөйдөөх үбүлүөйгүнэн "Таатта" түмэлин үлэһиттэрин ааттарыттан итии истиҥ эҕэрдэтэ тутуҥ!
Ойор күннээх Орто дойдуга Киһи буолан килбэйэн, Саха буолан салаллан, сэттэ уон бэһис кыыдаан кыһын кырпай хаарын тоҕо кэһэн, дьоһун-мааны олоҕу олорон кэлбиккинэн биһиги-астынабыт, Эйигинэн киэн туттабыт.
Улуу киһибит Суорун Омоллоон айан-тутан хаалларбыт түмэллэрин сайдыытыгар ис сүрэххиттэн кыһаллаҕын, баай матырыйаалларынан хаҥыырыгар үлэлэһэҕин.
Махтанабыт сахаҥ дьонун аатыттан улуу дьоммут суруйааччыларбыт ааттарын үйэтитиигэ сүҥкэн кылаатын иһин.
Күндү киһибит санааргыыр-санньыйар буолума, хомойор-хоргутар диэни билимэ. Килбиэннээх киэх халлааныҥ үрүҥ күнэ өлбөөрбөтүн, добун мэҥэ халлааныҥ хараҥа былытынан халыйбатын. Ыарыы ыалласпатын, кырдьыы кыттыспатын, чэгиэн-чэбдик буол. Дойдуҥ мүөттээх салгына, үрдүк мэҥэ халлаана, аламай маҥан күнэ санааҕын минньиттин, үйэҕин уһаттын, санаабытыҥ сатаннын, толкуйдаабытын тобуллан истин, аймах дьонуҥ ытыктабылынан, билэр дьонуҥ биһирэбилинэн, ыччатыҥ сылаас тапталынан санааҥ сандаардын, үйэҥ уһаатын, үлэҕэр ситиһии эҥэрдэстин, олоххор дьол-соргу тосхойдун, тэрээһиниҥ үрдээтин, дьаһалыҥ сайыннын!
#тааттатүмэлэ
#музейтаатта
#хадаайымузейа
#museumtaatta