Ég leitaði blárra blóma- Ragnar Bjarnason - 1971

Tekið upp í sjónvarpssal 1971

Höfundur texta: Tómas Guðmundsson
Höfundur lags: Gylfi Þ. Gíslason

Ég leitaði blárra blóma
(Gamla útsetningin)

Ég leitaði blárra blóma
að binda þér dálítinn sveig,
en fölleit kom nóttin og frostið kalt
á fegurstu blöðin hneig.

Og ég gat ei handsamað heldur
þá hljóma sem flögruðu um mig
því það voru allt saman orðlausir draumar
um ástina, vorið og þig.

En bráðum fer sumar að sunnan
og syngur þér öll þau ljóð,
sem ég hefði kosið að kveða þér einn
um kvöldin sólbjört og hljóð.

Það varpar á veg þinn rósum
og vakir við rúmið þitt,
og leggur hóglátt að hjarta þínu
hvítasta blómið sitt.

Ég veit ég öfunda vorið
sem vekur þig sérhvern dag,
sem syngur þér kvæði og kveður þig
með kossi hvert sólarlag.

Þó get ég ei annað en glaðst við
hver geisla, er á veg þinn skín,
og óskað að söngur, ástir og rósir
sé alla tíð saga þín.

meira um höfund texta Tómas Guðmundsson

meira um höfund Gylfi Þ. Gíslason