Zelenski BMT-nin baş katibi ilə görüşüb - BAKU TV

Zelenski BMT-nin baş katibi ilə görüşüb - BAKU TV

Ukrayna Prezidenti Volodimir Zelenski Kiyevdə səfərdə olan BMT-nin Baş katibi Antonio Quterreşlə görüşüb.
“Mən bu gün Kiyevdə Rusiyanın genişmiqyaslı təcavüzü başlayandan bəri 3-cü dəfədir BMT-nin Baş katibi Antonio Quterreş və BMT nümayəndə heyətini salamlamaqdan məmnunam”, - deyə V.Zelenski bildirib.
O, Kiyevdə sülh və beynəlxalq təhlükəsizlik, eləcə də BMT Nizamnaməsinin tam olaraq yerinə yetirilməsinə dair müzakirələrin aparılmasının vacibliyini vurğulayıb.
Qeyd edək ki, BMT-nin Baş katibi Antonio Quterreş martın 8-də Ukraynanın paytaxtına rəsmi səfərə gəlib. Bu, Rusiyanın genişmiqyaslı işğalı başlayandan bəri Antonio Quterreşin Ukraynaya 3-cü səfəridir.
BMT Baş katibi ilə Ukrayna Prezidenti arasında danışıqların əsas mövzusu taxıl sazişinin müddətinin uzadılması olub. A.Quterreş taxıl müqaviləsini martın 18-dən sonra uzatmağa çağırıb. O qeyd edib ki, Rusiya və Ukraynadan gübrə və taxıl ixracı dünyanın ərzaq təhlükəsizliyi üçün əsas əhəmiyyət kəsb edir.
BMT Baş katibinin sözlərinə görə, taxıl müqaviləsi çərçivəsində Ukrayna limanlarından 23 milyon ton taxıl ixrac edilib.

Zelenski BMT-nin baş katibi ilə görüşüb

© 2023 © All Rights Reserved ℗ Baku TV

#zelenski #bmt #gorus