Ыйытар киһи атын киһини арыйар, истэр киһи бэйэтин байытар.

Саргылаана миэхэ Адлерга сырыттахпына суруйбута: "Кун Ботуровна утуо киэьээ)

Уоскар перманентный макияж онотторуоххун ба5ара5ын дуо? Уоруубун кытта босхо онорон биэриэм этэ. Улэлэрбин киирэн кор 🌸"

Бу суруктан саҕалаан суруйсан, билсэн, көрөн дьэ Дьокуускайга кэлэ сылдьан биир киэһэ тиийэн уоспун кырааскалаттым.

Кэпсэтэн, ыйыталаһан истэх аайы, Саргылаана @lana_lana_sargilana сыыйа кэпсээн истэҕин аайы мин сөҕөрүм, астынарым үксээн истэ.

Бэйэбэр олус ураты, тас көрүҥүнэн нап-нарын, ис санаатынан, кутунан күүстээх, олоххо дьулуурдаах киһи арыллан барда.

Хас кини олоҕун суолун кэпсээнэ олус ураты, бу кэпсэтиибитин барытын кини көҥүлүнэн видеоҕа устан, аны таҥан, суруктаан бичиктээн таһаарыах баҕа санаа кэлбитэ. Акушертан саҕалаан, огранщигынан үлэлээн, банк үлэһитэ да буолан ылан, түһүүлэри-тахсыылары эт-хаанынан билэн, түһүү кэннэ өссө саҥа үрдэллэри ситиһэн билигин кэрэ эйгэтигэр бэйэтин булунан, аны бу үлэтигэр кэргэнин уонна кыра уолун сыһыаран, биир санаалаахтарын мунньан үлэлии сылдьар эбит.

Дьиэ кэргэнин, эрин кытта билсиһиилэрэ, бэйэ-бэйэлэрин өйдөһөр-өйдөспөт да түгэннэрин ааһыылара, тыл-тылларын булсан уолаттарын үлэһит дьон иитэн таһаарыылара, мин билигин тарҕатар-үөрэтэр билиилэрбин бигэргэтэр холобурдар.

Бэйэм маннык дьулуһуулаах, саҥаны, уратыны сэҥээрэр, кэрэни кэрэхсиир буолан Саргылаананы @lana_lana_sargilana олус чугастык өйдөөтүм, ол иһин кини олоҕун историятын элбэх киһи билэн, көрөн , хайа баҕарар түгэҥҥэ "аһаҕас аан баар эбит", ол ааны "мин бэйэм эрэ арыйыахтаах эбиппин" диэн саныырыгар, бэйэбит сахабыт, аттыбытыгар сылдьар дьонтон холобур ыларга бу кэпсэтиибитин бэлэмнээн ютубка атырдьах ыйыгар таһаарыаҕым.

Эрэллээх дьон аттыбытыгар бааллар. Эрэллээх, дьоллоох буолары киһи бэйэтэ эрэ уйар.

Киһи саҥаттан куруук долгуйар, онно тыыныы көмөлөһөр.

Ыйытар киһи атын киһини арыйар, истэр киһи бэйэтин байытар.

Дьээбэлэнии долгуйууну намыратар.

#күнбоотуровна