Түркістан облысының полицейлері Шардара су қоймасынан заңсыз балық аулаған 2 браконьерді анықтады

Шардара су қоймасында заңсыз балық аулаған кезекті браконьер ұсталды. Тексеру барысында анықталғандай, түнде жүргізілген рейдтік іс-шаралар кезінде Шардара АПБ табиғат қорғау полициясының қызметкерлері мен су ресурстарын қорғау жөніндегі инспекторлар бірлесіп, жағалауда қайықтың көмегімен балық аулаған 2 ер адамды анықтады.
Полиция қызметкерлері заңсыз балық аулаған жергілікті тұрғындардан резеңке қайық, балық аулау құралдарын және заңсыз ауланған 67 келі түрлі балық тәркіледі. Аталған жайт ҚР ҚК-нің 335-бабы "Балық ресурстарын, басқа да су жануарларын немесе өсімдіктерін заңсыз өндіру" бойынша тіркелді. Қазіргі уақытта сотқа дейінгі тергеу амалдары жүргізілуде. Полицейлер оқиғаның мән-жайын анықтауда.
Түркістан облысының полицейлері табиғатты қорғау заңнамасын бұзғаны және ресурстарды заңсыз өндіргені үшін қылмыстық жауапкершілік қарастырылғанын ескертеді.

[ЕрдаулетАрзыкулов-нй]

Екi браконьер, жаксы болдыгой! Ендi Сырдарьяда балык деген коп болып, шырып жатады! Жарайсындар! Ал анау квадрокоптердi БАРЛЫК Акиматтарга жiбершы, каншама таза Крупный Браконьерлер бар сонда....