MARIA MARI – E Flat MINOR– E. Di Capua – BACKING TRACKS – Piano bases Collection

BUY YOUR TRACK ON REQUEST..

DOWNLOAD FILES ON DIGITAL STORES, THERE ARE OTHER TONALITIES DOWNLOAD ALL MY FILES

[SuperLs]

Magnifica base, e tu grande come sempre!

[marcosfedericofelicia]

Arapete, fenesta,
Famme affaccià a Maria!
Ccà stongo 'mmiez' â via
Speruto d' 'a vedè.

Nun trovo 'n'ora 'e pace.
'A notte 'a faccio juorno,
Sempe pe' stà ccà attuorno,
Speranno 'e ce parlà.

Oje Marì, oje Marì,
Quanta suonno ca perdo pe' tte!
Famme addurmì
Abbracciato 'nu poco cu' tte!
Oje Marì, oje Marì,
Quanta suonno ca perdo pe' tte!
Famme addurmì,
Oje Marì, oje Marì!

'Mmiez'a 'stu ciardeniello
Nce ride 'a malvarosa.
'Nu lietto 'e ffronne 'e rosa
Aggio fatto pe' tte.

Viene, c' 'a notte è ddoce,
'O cielo ch'è 'nu manto!
Tu duorme e io te canto
'A nonna a fianco a te.

Oje Marì, oje Marì,
Quanta suonno ca perdo pe' tte!
Famme addurmì
Abbracciato 'nu poco cu' tte!
Oje Marì, oje Marì,
Quanta suonno ca perdo pe' tte!
Famme addurmì,
Oje Marì, oje Marì!

Pare che già s'arape
'Na senga 'e fenestella.
Maria cu 'a manella
'Nu segno a mme me fa.

Sona, chitarra mia,
Maria s'è scetata!
'Na scicca serenata
Facimmole sentì!

Oje Marì, oje Marì,
Quanta suonno ca perdo pe' tte!
Famme addurmì
Abbracciato 'nu poco cu' tte!
Oje Marì, oje Marì,
Quanta suonno ca perdo pe' tte!
Famme addurmì,
Oje Marì, oje Marì!