'ШАНДАС' бэлгэдэлт зэмсэг (ташуур)

#МОНГОЛ_ЭР_ХҮН_ТАНАА_ЗОРИУЛАН_БҮТЭЭВ
#ШАНДАС бэлгэдэлт зэмсэг (ТАШУУР)
#LIMITED_33

Нэгэн домог:
“Хөвүүн залуу Тэмүүжин хацар гоо Бөртэ хатнаа харь мэргидэд булаалгаад, эцэг мэт Тоорил ханаас өмөг эрж олоод, эгэн буцах үедээ Цонжин нэрт толгодын дундаас ташуур олсон бөлгөө. “Их Үйлийн эхлэлийг зөгнөв” хэмээн ихэд бэлгэшээн Хасар, Бэлгүтэй дүү нараа дагуулан Бурхан халдунаа зорин одов”... (1177 он)

Нэгэн шүлэг:
“Үе нэгэн урт, үе нэгэн богино ташуураа
Үдшийн сарнаа дөрөөнд хавиран аян дайнд явмуй.
Гурван тохой суран ташуур ир мэс үгүй атал
Зуун түмэн хүчирхэг цэрэг түүний дохилгыг дагамуй...”

Их Юань гүрний суут жанжин, шүлэгч Баян Чинсан (1328 он)

“Монголчууд ташуураа бариад мордсон ч...” хэмээн ид хав, эрэмгий зоригийн илэрхийлэл болж, молор эрдэнэ морин соёл, язгуур гоёл чимгийн салшгүй махбодь болсон эд бол монгол ташуур юм.
Эзэн Богд Чингис хаан Толбот бор мориныхоо дэлэн дээр ташуур тулан зөнт зүүд үзэж, гурван зуун тайчуудыг хиар цохисноос эхлээд хагас мянган хүлэг эргэсэн туурайн тоосон дунд унаач хүүхдийн цангинам гийнгоотой цуг салхи зүсэн гарт нь эргэлдэх ташуур бол монгол үндэстний довтлон урагшлах түүхийг гуядсан эрхэм Эд болсоор иржээ.

Эрхэм бэлгэдэлт энэ эдийг Монгол оюуны бядаар зураглан, алдарт "ЗЛАТОУСТ"-ын билигт урчууд, авьяаслаг инжаан нар нэг бүрчлэн мутраар Жаргалын найман морь, үүлэн хээ, Сүмбэр уулсыг зурж сийлэн, мөнх хөх Индраанил эрдэнээр чимж, элдэв үнэргүй, эдэлгээ даах шинэ цагийн монгол сураар тоноглон, эрийн чимэг, хийморийн жавхаа, аян замын түшиг, аглаг хээрийн ивээл болгон өргөн барьж байна.

“Шандас” зэмсгийн махбодь болсон “Нандингийн бортогон”-д сэтгэлд уяатай хүлэг мориныхоо дэл, сүүлний дээжээс авахуулаад алс замд хэрэг болох эрхэм элдэв зүйлийг агуулж болохоор зохион сэтгэлээ.
Эрэмгий ташууранд Ир өгсөн “Шандас” бэлгэ зэмсэг Танд
Их Үйлсийг зорин довтолгох Түшиг болтугай!

ҮНДЭСНИЙ ӨВИЙГ ДЭЭД ЧАНАРТАЙ ХОСЛУУЛАН БҮТЭЭВ.

Өвөөс ӨВ бүтээгч ТАВАННҮДЭН брэнд.