DD News Mizoram - Chanchinthar | 22 July 2024 | 6:30 PM

Показать описание

HEADLINES:

1. Larsap Dr Hari Babu Kambhampati chuan vawiin khan RIPANS damdawi in sak thar tlawhin India rama sorkar damdawi in tha filawr AIIMS, Delhi-te anga tihchangtun a nih a beiseiawm thu a sawi.

2. Chief Minister Pu Lalduhoma'n vawiin khan Chapchar Kut 2024 Post Souvenir tlangzarhin Chapchar Kut chu inunauna titha zawnga, huapzo taka kalpui thiam a ngai, a ti.

3. Women & Child Development Minister Pi Lalrinpuiin Sakawrhmuituai Tlang chu Swadesh Darshan kaltlanga cheithat tum a nih thu a sawi.

4. Excise Minister Pu Lalnghinglova Hmar chuan sorkar, khawtlang leh kohhrante, kil thum atangin ruihhlo do kawngah an tan tlan angai tak zet tih vawiin khan Mamit DC Conference Hall-ah a sawi.

5. Health Minister Pi Lalrinpuiin vawiin khan ni nga awh tur 'Training on Leadership in Infection Prevention & Control (IPC) for Nursing Professionals' a hawng.

6. Pragati Maidan, New Delhi-a International Agriculture & Horti Expo, 2024 neihah Mizoram Horticulture Department chuan lawmman pakhatna an dawng.

7. Lunglei South bialtu MLA Pu Lalramliana Papuia hoin vawiin khan Theiriat leh Hrangchalkawn inkar NH-54 kawngpui chhia siam that dan tur enho a ni.

8. Sports & Youth Services Department Director Pu H. Lalhmingthanga chu Mizoram Bharat Scouts & Guides State Chief Commissioner atan lakluh a ni.

9. Food & Drug Administration Wing Joint Director Pu Lalsawma Pachuau chuan Bekang um eisual chu, a siamtuten an siam thianghlim loh leh fimkhur tawk loh vang a nih ber thu a sawi. (audio byte included)

10. Labour, Employment, Skill Development & Entrepreneurship (LESDE) department-ah Employment Registration ti 2,11,728 an awm tawh.

11. Pathianni tlai dar 2 vela Setlak luia chesuala khama tla, Lalrinawma, kum 23, Zomuana (L) fapa ruang chu vawiin chawhma dar 10:25 khan hmuh a ni.

12. Parliament Budget Session tan Ni-ah Finance Minister Nirmala Sitharaman chuan Lok Sabha-ah Economic Survey a pharh.

13. Prime Minister Narendra Modi chuan Budget session neih turah party hrang hrangte chu party rilru dah tha a, ram tana theihtawp chhuah turin a ngen a ni.

14. Union Education Minister Dharmendra Pradhan chuang NEET UG zawhna putru thubuaiah sorkarlaipuiin zep tur engmah a nei lo a ni, a ti.

15. Prime Minister Narendra Modi chuan Kargil Vijay Diwas vawi 25-na hriatreng nan July ni 26 khian Ladakh a tlawh dawn.

16. Kum 2025 Padma Award dawng tura hming pekluh theih hun chu kumin September ni 15 thleng hawn a ni dawn.

17. US President Joe Biden chu President chuh leh a tumna atangin a inhnukdawk.

Follow DD Mizoram: