Caras coñecidas falaron da Ribeira Sacra en Fitur 2019

Xente ben coñecida e afable coma o actor e humorista Xosé Antonio Touriñán, o home do tempo Martín Barreiro ou a ourive compostelá Susi Gesto compartiron experiencia connosco en FITUR.

Moitas facianas mediáticas ou familiares, da tele, do cinema, da política e tamén das que comparten o día a día neste territorio e na rúa pasaron pola feira internacional de turismo. Cadaquén cumpriu co seu cometido eses días no gran recinto de IFEMA.

Con todas e todos falamos da #RibeiraSacra. Dende o punto de vista profesional con Tee Travel - Culture & Nature e dende o punto de vista educativo co alumnado do IES Val do Asma Chantada.

Este vídeo amósalles a cara máis social do noso paso por este evento.