Top 5 çempionatlarda növbəti oyunlar olub - BAKU TV

Top 5 çempionatlarda növbəti oyunlar olub - BAKU TV

☑️Aktual xəbərlərimiz

La liqanın 32-ci turu “Real”ın əzmkar qələbəsi ilə əlamətdar olub. Səfərdə Sevilya ilə qarşılaşan “kral klubu” fasiləyədək 0-2 hesabı ilə geriyə düşüb.
Əndəlüs təmsilçisinin qolları Rakitiç və Lamelanın aktivindədir. 2-ci yarıda hücumlarını sürətləndirən paytaxt komandası dönüş etməyi bacarıb. Əvvəlcə 50-ci dəqiqədə Rodriqo fərqi azaldıb. 82-ci dəqiqədə Naço tarazlığı bərpa edib:2-2. Artırılan dəqiqələrdə isə Kərim Benzema 3-cü topu meydan sahiblərinin qapısından keçirib. 3-2 hesabı ilə qalib gələn “Real” 75 xalla liderliyini davam etdirir. 60 xalı olan “Sevilya” isə 3-cü yerdədir.
Almaniya çempionatında 30-cu turun diqqət çəkən oyunu yuxarı pillələrdə qərarlaşan “Bayer” və “Leypsiq” arasında olub. Leverkuzenlilərin arenasındakı görüşün taleyini bir qol həll edib. 69-cu dəqiqədə Dominik Sobozlainin dəqiq zərbəsi qonaqlara qalibiyyət gətirib. Bu nəticədən sonra xallarının sayını 54-ə çatdıran “Leypsiq” 3-cü pilləyə yüksəlib. “Bayer” isə 52 xalla 4-cü yerdədir.
İngiltərə Premyer liqasında 33-cü tur yekunlaşıb. Qeyri-sabit çıxışı ilə diqqət çəkən “Lester Siti” bu dəfə də azarkeşlərini məyus edib. “Nyukasl”la üz-üzə gələn “tülkülər” 19-cu dəqiqədə hesabı açsalar da, “sağsağanlar”ın cavabı gecikməyib. Gimaraiş tarazlığı bərpa edib:1-1. Oyunun sonlarında dubl edən Bruno “Nyukasl”a 2-1 hesablı qələbə qazandırıb. 37 xalı olan komanda 14-cü yerdədir. Lester isə 40 xalla 9-cudur.

☑️Sosial şəbəkələrimiz

©2021 - 2022 © All Rights Reserved ℗ Baku TV

#Bakutv #laliqa #realmadrid #bakutvxeber #bakutv #bakutvnews #newsandpolitics #xəbərlər
baku tv | bakutv | bakutvxeber | xeberler | qarabag | azerbaycan |