Utos #33 Mag ingat sa Lebadura ng Mga Escriba at Pariseo

By Bro. Art Macarubbo

Bago ilabas ng Diyos ang mga Israelita mula sa apat na daang taong pagiging alipin sa Egipto, pinagbilinan sila na isagawa ang taunang Paskuwa. Sa kapistahang ito, kasama ang pagkain nila ng tupa na walang kapansanan at ng tinapay na walang lebadura sa loob ng isang linggo. Exodo 12:14, 15

Ang lebadura ay sangkap ng tinapay upang ito ay umalsa (Exodo 12:15, 20). Ito ay naging simbolo ng impluwensya na mabuti o masama. “Ang paghahari ng Diyos ay katulad ng lebadura na inihalo ng isang babae sa tatlong takal ng harina at umalsa ang buong masa.” Mateo 13:33 Ang mga Pariseo at mga Saduseo ay mga kilalang mga tagapanguna at tagapagturo ng mga relihiyon ng mga Hudio, na sa panahon ng Panginoon ay inihalintulad niya ang ilan sa kanilang impluwensya o katuruan sa lebadura na dapat ingatan ng mga alagad.