Kris Aquino MAGPAPAKASAL na sa DOKTOR na Boyfriend?

Kris Aquino, Mariing Pinabulaanan ang Fake News Tungkol sa Kanyang Pagpapakasal kay Dr. Michael Padlan

Isang malaking usap-usapan kamakailan sa social media ang balitang ikakasal na raw ang Queen of All Media na si Kris Aquino sa kanyang bagong nobyo na si Dr. Michael Padlan, isang doktor na nagseserbisyo sa Makati Medical Center. Ang balitang ito ay mabilis kumalat sa isang Facebook page na nagpapanggap bilang isang legit na publication. Ayon sa mga post ng naturang poser, nakatakda na raw ang intimate wedding nina Kris at Dr. Michael na gaganapin sa isang events place sa Makati City.

Kalakip pa ng post na ito ang mga litrato ng sinasabing wedding venue na punumpuno ng mga halaman at bulaklak, na nagbigay ng mas kapanipaniwalang imahe sa pekeng balita.

Mariing Pinabulaanan ni Kris Aquino

Subalit, agad itong pinabulaanan ni Kris Aquino sa pamamagitan ng kanyang kaibigang si Kuya Dindo Balares, dating entertainment editor ng isang tabloid. Sa isang Facebook post, ibinahagi ni Kuya Dindo ang kanilang naging palitan ng mensahe tungkol sa kumakalat na fake news.

Sa post ni Kuya Dindo, kanyang sinabi: "THE BEST ANSWER TO THAT FAKE NEWS." Isiniwalat niya na nasa Bicol siya para ituloy ang kanyang pagtatanim nang makatanggap siya ng sunud-sunod na mensahe tungkol sa diumano'y kasal ni Kris. Dahil sa dami ng nagtatanong mula sa mga kasamahan sa media, nagdesisyon siyang kontakin si Kris para linawin ang isyu.

Sa kanilang pag-uusap, sinabi ni Kris, "Kuya Dindo, the best answer to that fake news is how can your panganay who has adult onset asthma and has publicly admitted to having Chronic Spontaneous Urticaria... pipili ako ng outdoor venue na punung-puno ng halaman?"

Ipinaliwanag ni Kris na hindi lamang siya, kundi maging ang kanyang anak na si Bimby, ay may asthma, at ang pagiging sensitibo niya sa direct sun exposure ay ginagawa siyang imposible para magdaos ng kasal sa isang outdoor venue. Dagdag pa niya, "Hindi friend ng respiratory system ko ang mga puno at lalo na ang grass, kahit nga astroturf bawal dahil maraming alikabok na puwedeng ma-collect."

#KrisAquino #krisaquinoupdate