Ғузор тумани ҳокими мукофот пулини эҳтиёжманд оилага ҳадя қилди

Аввалроқ, Ғузор тумани ҳокими Бекзод Суюнов вилоятдаги 60 та сектор раҳбарлари орасидан 3-ўринни эгаллаб, 5 миллион сўм пул мукофоти билан тақдирланган эди.

Бугун туман ҳокими ушбу 5 миллион сўм пул мукофотини "Обод" маҳалласида бир неча йилдан буён ижарада яшаб келаётган Эргашева Марзиянинг оилавий шароитини инобатга олиб, уй-жой қуриш учун ҳадя қилди.

Шунингдек, ҳоким фуқаро М.Эргашевага турар-жой қурилишини бошласа, яна қурилиш материалларидан ёрдам қилишини маълум қилди.

Бу совғадан хурсанд бўлган Марзия опа кўзида ёш билан Президентимиз ва мутасаддиларга миннатдорчилик билдирди.

Маълумот ўрнида айтиш жоизки, Эргашева Марзия икки нафар ногирон фарзандлари билан 25 йилдан ортиқ ижарада яшаб келмоқда.