УЙ ПОЙДЕВОРИ БУЗИЛДИ(МИ)!?

️ Ижтимоий тармоқларда ҳеч қандай ҳужжатларсиз, ўзбошимчалик билан кўп квартирали уйнинг ертўласига кириш қисмини бузиш ҳолати акс этган видео тарқалганди. ​Уй-жой коммунал хизмат кўрсатиш вазирлиги ҳузуридаги Кўп хонадонли уй-жой фондидан фойдаланишни назорат қилиш инспекцияси томонидан мазкур воқеа ўрганиб чиқилди. Аниқланишича, Чилонзор тумани, 17-мавзе, 40-уйда яшовчи фуқаро С.Алимов томонидан уйнинг ташқи қисмидан ертўлага эшик очилиб, тадбиркорлик фаолиятини олиб бориш мақсадида ертўлада қайта режалаштириш ишлари амалга оширилган. Ушбу фуқаро Инспекция ходимлари томонидан бир неча маротаба ёзма ва оғзаки равишда огоҳлантирилган бўлсада, ўзига тегишли ҳулоса чиқармаган. Инспекция, Фуқаролик ишлари бўйича судга даъво аризаси киритиш учун тўпланган ҳужжатлар Чилонзор тумани ҳокимлигига (2021 йил 19 майдаги 465-сон хат билан) юборилган. Бу мавзуга яна қайтамиз