Gemlest - Together /OFFICIAL AUDIO/

Показать описание

Lyrics :
Чамаас өөр зүйл надад бодогдохгүй байна
Чамаас өөр хүнтэй сэтгэл зүрх холбогдохгүй байна
Намайг орхиод одход чи дэндүү оройтсон
Чиний эзгүй мөчүүдэд миний байдал доройтсон
Чиний нүдэнд одон орон чамтай би сансарт ниснэ
Чамайг байхгүйд утга алга ганцаараа гансарч хэвтэнэ
Чиний дэргэд эрх чөлөөтэй торноосоо зугтсан шувуу шиг
Хэцүү үеүүд тохиолдсон ч аль нь ч чиний буруу биш
Живсэн загас хөмөрсөн завь наргүй тэнгэр чамгүй би
Хоосон ном гол дүргүй зохиол аягүй дуу чамгүй би
Энэ бүгд адилхан зүйлс чи бол миний хувь тавилан
Мөрөөдөлдөө хамтдаа хүрч бас хамтдаа цуг халина
Алив өмнөх шигээ цээжиндээ нааж чамд уусъя
Хамтдаа эхлэж хамтдаа өрнөж бас төгсгөлд нь хамт дуусъя
Сонсож байсан хайрын дуу болгоноо чамд зориулж дуулмаар
Чамаас болж инээж гомдож чиний л энгэрт хүүхэд шиг тунимаар

Олон юм яриж хэрүүл хийдэг ч харцнаас минь чи ойлгодог
Дотор минь түгжигдсэн бухимдал болгоныг онгойлгодог
Үлдсэн амьдралаа зориулъя гэсэн ч хангалтгүй юм шиг
Чи бол амьдралын минь аялгуу хором бүрийн минь эгшиг
Бөртэ чоно Гуа марал болъё өөрсдийн алтан ургийн
Чиний төлөө бороо шиг асгарч цэцэг шиг бас ургъя
Надад өгсөн сэтгэлээс чинь илүү үнэнг би мэдэхгүй
Миний тухай үнэнг бас чамаас өөр хэн ч хэлэхгүй
Чи миний өглөөний нар бас үдэш бүрийн минь сар
Зөвхөн л намайг бод өөр бусдыг чи битгий анзаар
Уудам хорвоод бачимдах хэрнээ чиний хажууд тайван
Үүнээс илүү жаргалтай байж үзсэн үү чи надад хариул
Амьдралын минь торгон мөч бүрийн чи надтай үдэлцсэн
Одоо харин гараа атгалцаад энэ амьдралтай үзэлцье
Харамсах зүйл хийгээд хэрэггүй хонгор минь болж л таараа
Өдөр бүр чи бид хоёрын хувьд амьдралын шинэхэн гараа