Iratirentzat

Bizitza igarotako momentuen oroimenaren zerrenda besterik ez da. Bizitza berezia izatea ala ez bakoitzak erabakitzen du, momentu berezi eta garrantzitsu horiek nahi eta maite dituenekin igarotzen dituenean.
Orain gure kabitik lehenengo txoritxoa joan zaigunean, inoiz bizitako momentuak bereziak izan direla ahaztu ez dezazun, horien laburpen txiki bat bidaltzen dizugu. Seguraski dagoeneko hor azaltzen diren momentu askotaz ahaztua egongo zara, baina inoiz ahaztu ez ditzazun bideo honen bitartez hilezkorrak bihurtu nahi ditugu, ea zure bihotzen gordetzen dituzun guk gurean bizitza guztirako gordetzen ditugun bezala. Badakigu hor azaltzen diren irribarretaz aparte best momentu "ez hain onak" egon daitezkela, baina gure lana guraso bezala zuei aurreraka bultzatzea da, nahiz eta momentu horretan zuk horrela ez ulertu. Eta gu beti hor egongo gara, pipar izaten, zuek ahal eta pertsona zuzenenak izan zaitezten; eta era berean, gure bizitza erabat eskainiz zuen ongi izaterako.
Behar bada norbaitek opari baten balioa ordaindutakoaren arabera neurtzen du. Baina jakin ezazula, bideo honen balioa neurtu ezina dela, inork ezin duelako erosi; bihotzetik irteten dena ez bait daiteke diruz erosi.

Aita eta Ama