CHANDRO - PAPITAG (AKUSTIK-VERSION) Official Video

Das zweite Video "PAPITAG (AKUSTIK-VERSION)" vom kommenden Album "ROBIN" von Chandro.
"De Song "PAPITAG" widme ich de zwei beschte Meitli - Emily&Robin"

Album bestellen:

Lyrics zu "Papitag":
jede Mittwuch isch Papitag, nume du und ich, de ganzi Tag /
Morge Mittag Namitag, bis am Abig spat /
s’Mami wider heichund hämmer Zyt für üs zwei /
aber ab und ah, fangt de Papitag /
für de Papi bizli gar früeh ah /
du wirsch wach will nümm warte magsch /
holsch mi usem Schlaf, stahsch scho i dim Bett /
gspannt was der für Züg zeig /
uf em Wickeltisch, Windelcheck, Body ah /
denn wird z’Morge gmacht /
nachem z’Morge stiegsch uf s’Bobbycar /
sgid en Horrortag für de Rocky üsi Chatz /
will de wird vo dier i dim Bobbycar dur di halb Wohnig gjagt /
meischtens spiled mer im Zimmer in /
wirsch du müed chilled mer im Indianertipi in /
mängisch muen de Papi brüele was vilich verwirrend isch /
will du mich mängisch eifach so sehr a sie erinnerisch /
vilich wirsch es spöter kapiere /
willsch wüsse wie sie usgseht, denn gömmer vor de Spiegel /
und stömmer vor em Spiegel, denn zeigi uf de Spiegel /
und du gsehsch dini Schwöschter im Spiegel /

ihre müsse tschüss säge, nümm wiitergwüsst, mich nümm wider erchennt /
ha welle tschüss säge, alles am End /
woni nümme gwüsst ha für wasi no kämpf /
hät es Lächle vo dier scho glängt /
nümm wiitergwüsst, mich nümm wider erchännt /
ha welle tschüss säge, alles am End /
ich ha nümm wiitergwüsst /
aber i dem Moment hätt mer dis Lächle glängt, dassi nümm ha welle tschüss säge /

jede Mittwoch am Papitag /
nehmed du und ich d‘Stadtbahn vo Zug uf Baar /
vom Bahnhof Baar in Martinspark /
wo du wildfremde Lüüt usem Chinderwage zuewinksch /
und wenn im Park igendmal wer zruggwinkt /
wirsch verläge und verchrüchsch dich im Chinderwage /
und wenn er nomal winkt, ziehsch dini Winterchappe /
wiiterabe, mer chönt meine sig es Schutzschild /
am End vom Park macht es chlises Meitli /
so lang BittiBätti bis sie endli uf em Riitiseili sitzt /
hundert mal ageh, denn hol di wider obe abe /
ab zu üsem Engel wo nu hundert Meter wiiter wartet /
döt verzelli wis üs allne gaht, jedes mal de Träne nah /
du hebsch d’Hand zum Wage us, hebsch mini jedesmal am Grab /
und denn redsch du was i dire Babysprach /
ier händ vil z’verzelle, ich würs gern verstah /
und bevor mier wieder gönd winksch du tschüss /
so schön so lieb so süess so wi du halt bisch /
vilich verzellsch mier wenn du bizli grösser worde bisch /
was du mit dir Zwillingsschwöschter so besprichsch /

ihre müsse tschüss säge, nümm wiitergwüsst, mich nümm wider erchennt /
ha welle tschüss säge, alles am End /
woni nümme gwüsst ha für wasi no kämpf /
hät es Lächle vo dier scho glängt /
nümm wiitergwüsst, mich nümm wider erchännt /
ha welle tschüss säge, alles am End /
ich ha nümm wiitergwüsst /
aber i dem Moment hätt mer dis Lächle glängt, dassi nümm ha welle tschüss säge /

hättis dich ned geh, denn /
würis mich nümm geh, und /
hätti dich ned gha, denn /
wäri hüt nümm da /
mich würs hüt nümm geh, wenns /
dich ned hätt geh, denn /
hätt ich kein Grund gha, doch /
dank dier bin ich hüt no da /

Chandro @SocialMedia:
Tellifon: [phone]

Text: Chandro
Beat: Flap
Video: Director Priselly
Label: BDD / Telli-Records / Hertzhaft
Additional Instruments: A. Schoch, P. Seeberger, G. Schmid, L. Gnos, F. Iten

Kontakt:
Tellifon: [phone]

[jerrysimona]

Krasser gaz gar nöd!!! All-Time-Classic

[carlitobenetti]

Jetzt eben entdeckt! Und ich werde das sicher nicht so schnell wieder vergessen! 🥰

[pyrorigich]

Me chan weiss eg was schriibe i de Kommentar, aber eg weiss im Momänt grad nix … osser Woooow!!!
Chandro ♥️🙏🙏😞😘😘

[voegiVoegi]

de best Rapper vo de Telli-B - de best Rapper vo de Möchtegang - und somit sicher under de beste 3 i üsem Land.
Und de Song isch de emotionalischti wos gid, ned nur vom Chandro sondern vo ganz allgemein.
Riesig und Weltklasse

[AHwSuperCobra]

Als früsche Papi fühl ich das Lied eifach so sehr. Während em lose laufed eim eifach nur d'Träne d Bagge abe

[musicsam]

Wow was für en tolle Song, so vill Emotione drin. Berüehrt eim mega
Riisä Kompliment!
Zuger Power👍👍

[raissajackson]

s Git wia kai tröstendi Wort odr s richtiga wo mr cha säge - und doch git mr de Track grad uh viel Kraft, Trost und Hoffnig.

⭐

[kingk.]

Scho lang neme so en emotionale Track ghört👍 freu mich ufs Album🤩

[angelovasoni]

da gahts ein iszapfeschalt de rugge ab - ergrifend und emotional wie nüd. Ich ha no nie so vil Träne glah bi me Song.
Riese Respekt, Chandro isch König

[casimyener]

immer no de berüehrendschti song woni i mim ganze läbe ghört han. all-time-klassiker jetzt scho nach emene jahr...

[feliciendupont]

göttlech, chrank, emotional, wow, heftig

[benihammel]

yeah - classic mit hüehnerhuut-garantie

[TheBeatArchitects]

❤️ En wunderschöne Dankeschön Song, het mich recht berührt 💪

[tellilife]

bombe!!! beschti rapper i de Schwiz! punkt - amen - aus.

[patschmid]

still ill!! the illest!!!! Chandro4life!

[danigarlando]

Chandrolito de isch gross!!! Ich brüele eimal täglich, wenn ich de Song uf Spotify lose... uff...
ich liebe das Rapperzügs vom Chandro und vo Fratelli, vo de Möchtegang bini ned soooo Fan... aber Papitag haut alles um.

[patrickhaab]

Per zuefall da druf cho,
aber drüber bini scho froh
gar nöd gwüsst chamer releases plane
aber a eu chunt würkli nöd vill ane
Jedefalls für eui tracks tanke tusig
und vill erfolg mit eure musig