Kaleidoskoop - Wegbreek

Gepubliseer: 17 Feb 2017
Vervaardiger en Videograaf: Paul Hugo Bravo & Thatcher
Ander Videograwe - Jean de Villiers - Daville, Jean & Dean Brummer - Consuming Fire Films, Etienne Schoeman - Schoeman Film
Spesiale dank: Die Du Plessis gesin - The Fig Tree House - Nelspruit, Re:treat huisie - Moolmanshoek, die Badenhorst gesin - Siloë - Harrismith, tannie Rika - Eersterivier, die Streichers - Swellendam en die van Vuurens by LittleBig studio - Pretoria.
___________

Wegbreek

Agter slot en grendel vasgevang
Deur die tralies van die stad bly ek na jou verlang
Daar is 'n kronkelpad waarna my hart so smag
Hierdie stofpad kronkel deur die platteland se prag
Stap ek kaalvoet deur die ongerepte land
Wees my medereisgenoot, kom vat my hand

Sodra die son se strale deur die wolke breek
Word die gedoofde kers in my hart weer aangesteek
Soos die berge oprol om die see vir my te bring
Kan ek voel hoe die vrede my hart weer binnedring

Geroeste doringdraad deel ervare raad
Jy span jou liefde en jou hart bly vry van haat
Windpomp se kreun wat sy wysheid kom verleen
Draai van vreugde in die droogte en die reën
Stap ek kaalvoet deur die ongerepte land
Wees my medereisgenoot, kom vat my hand

Sodra my kaal voete teen die seesand slaan
Met net die wind wat deur my hare dans
Laatmiddag son wat warm aan my vel kom kleef
Voel ek weer ek leef

Voel ek die vrede my hart weer binnedring

WEGBREEK is die eerste enkelsnitvrystelling vanaf die nuwe album, Gunsteling Seisoen, wat in Maart 2017 uitgereik word. Hierdie album is ’n viering van die groep se suksesvolle dekade in die musiekbedryf. Die video is deur die loop van 2016 verfilm. Jouba en Anique moes die meeste van die beeldmateriaal self opneem in die tyd waarin hulle aan die nuwe album geskryf het.
“Die titel van die liedjie spreek vanself. Dit gaan oor die neiging wat almal het om nou en dan weg te breek uit die stad of dorp om uit te span by die see of met ’n grondpad êrens perspektief, eenvoud en ook vrede te gaan vind.
Ons het gevoel die kykers wil dalk meer weet van hoe die skryf- en opneemproses van ’n album lyk. Die grootste gedeelte van die video gaan oor hoe ons WEGBREEK om te gaan skryf, asook wat ons inspireer (die natuur). Die einde van die video wys dat die ‘sending’ waarop ons was eers voltooi is wanneer iemand die CD koop, die musiek geniet en inspirasie daaruit put"

Twitter: @kaleidoskoop2
Instagram: @kaleidoskoopband

Publisiteit & Bemarking
Starburst Promosies
Alishia van Deventer
Sel: 083 635 4717

[catalaya]

Ek love die band...love love love. ...❤❤

[hettiehenning]

Dankie vir sielvolle musiek!Henning familie.Hettie Pieter en Dalla

[tiaanvanwyk]

so lekker om na musiek te kan luister wat nie net lee woorde bevat nie, maar wat van betekenisvolle lerieke oorstroom

[chantellevdmerwe]

WOW!!! Julle musiek is awesome!!!! Ek besit elke een van julle cd's, en nou het ek jullle nuwe digitale CD ook. Ek kan nie wag om julle volgende optrede te gaan sien nie. Ek jam elke dag op julle musiek, al die pad van Frankryk af. Ek is trots om afrikaans te wees.

[ncschoombee]

Ekt reg gekom met details. Sien julle het dit geplaas.Dankie

[essichwassenaar]

Welgedaan, lekker om 'n nuwe snit te hoor. Ek sien Nelspruit feature.... Baie cool.

[nadiastrauss]

Lanklaas so baie van 'n band gehou! Al julle musiek is vir my awesome, soveel so, dat ek sommer WEER na julle cd launch gaan kyk. Het dit bygewoon in Atterbury teater, en gaan sommer weer vir julle kyk by julle launch in Vanderbijl!

Kan alreeds nie wag vir als wat nog uit julle penne gaan vloei nie!

[drivemoz]

Cool lied, baie mooi stemme - dankie - ek het nie die groep geken nie, maar gaan nou definitief volg

[psjfellowship]

Baie baie baie mooi.ongelooflik.platteland is my tuiste

[albertruthenberg]

Mal oor julle musiek. Ek het vreeslik uitgesien na die nuwe song! Net een stukkie kommentaar. Voel Anique se stem kon biejtie meer promiennt gewees het. Klink asof sy net in die agtergrond sing. En sy het so awesome stem !

[charlvandermerwe]

Wat is d name van die plekke op d video. Kan julle dit met ons deel. Ons soek sulke WEBREEK plekke. Great song. Hou so aan!

[Rainsong]

...op watter CD van julle is hierdie liedjie ?
(wil seker maak ek het "al" julle CD's)
;o)

[chrisvanrooyen]

Hierdie klink en lyk baie profesioneel

[williamkruger]

Eerlik waar die lekkerste road trip musiek veral as jy op verkansie is en ry van sedgefield af na knysna toe maak jou tuis voel

[tenishcaturner]

@Kaleidoskoopband. My 2-jarige dogter het op haar eie unieke manier die liedjie op 1.5x spoed gestel. Dit skep 'n interessante luister ervaring. Probeer dit gerus.

[ncschoombee]

Johan waar kan ek met julle inverbinding treë? Epos adress asseblief? 
Eks een van die direkteure van Affiplaas en ons is opsoek na n tema lied vir ons eerste groot produksie video wat ons kan help met bemarking.
Ons is besig om uit tekyk na ander bands ook .Ons hou van wat ons sien en wil graag inkontak kom.Ons het na bands soos Douvoordag ook gekyk. Dis so reg in ons kraal wat klank en tema betref.
Ek hoor graag van julle .Groete

[TheWildWondersSA]

Baie mooi julle! Sal baie great wees as ek van jullemusiek kan gebruik vir my YouTube Kanaal. Johan ons moet praat. ;)

[elsabewadlow]

Here help my om U Woord te verkondig en getuie vir U te wees🙏👏

[johnhenry]

Kyk julle mag maar sing. Sal julle graag eendag wil ontmoet