TAYANCH MAKTABDA ILK BOR CHSB OLINDI

Maʼlumki, Prezidentimiz tashabbusi bilan Maktabgacha va maktab ta’limi vazirligi tomonidan viloyat hokimlari bilan birga respublikadagi Prezident maktablari va ixtisoslashtirilgan maktab-internatlarining har biriga 3 tadan maktabni biriktirilib, yangi tizimni yo’lga qo’yish topshirilgan edi. Bu ishlar orqali yana 1,5 mingta maktabga Prezident va ixtisoslashgan maktablar metodikasi, muhiti kirib borishi koʻzda tutilgan boʻlib, Zomin tumani ixtisoslashtirilgan maktab-internatiga ham 3 ta maktab - Yangibod tumanidagi 1-maktab, Zomin tumanida 37-maktab va 75-maktablar biriktirilgan.
Kecha 1 noyabr kuni tuman markazidagi 75-maktabda 5-11 sinf oʻquvchilari bilan ilk bor CHSB (Choraklik summativ baholash) jarayoni olib borildi.
2 smenada olingan 1-CHSB test sinovlarini tashkillashtirish jarayonida Zomin IMI pedagoglari bilan hamkorlik qilindi.