Permbledhje e fushates elektorale te partive ne rrethe - (12 Qershor 2001)

Lajme Arkiva - TV Klan 2001

Ndihmë ekonomike për një mijë familjet më të varfra të zonës. Ky është premtimi, që kandidati për deputet i Partisë Demokrate në Malësinë e Madhe Arben Nika, u ka bërë dje banorëve të zonës ku kandidon. Më pas në mbështetje të kësaj iniciative, kandidati Lika njoftoi krijimin e një komisioni, i cili do të garantojë përgjegjësinë e nismës, që do të evidentojë një mijë familjet nevojtare.

Kryetari i PAD Arben Imami, ka prezantuar kandidatët për deputetë të kësaj partie në rrethi e Tiranës. Për katër vjet me radhë është shprehur ai, Aleanca Demokratike ka qenë pjesë e bashkëqeverisjes, që arriti t’i sigurojë vendit stabilitet politik, stabilitet ekonomik dhe shtetin ligjor. Sa më shumë vota për PAD, janë shprehur njerëzit e saj, aq më të mëdha do të jenë dhe kontributet që ne ofrojmë.

Kandidati për deputet i PS në zonën numër 70 të qytetit të Fierit, Dritan Prifti, ka zhvilluar një takim me elektoratin e tij në komunën e Semanit. Kandidati Prifti në fjalën e tij, u shpreh se ishte krenar që kandidonte në këtë zonë.

SUBSCRIBE to “RTV KLAN” on YouTube for more videos!