Top Channel/ “1.500€ 5 operacione kap Maldivet”, mjekët e Onkologjikut tallen me jetët e pacientëve

Të tjera përgjime dalin nga Prokuroria e Tiranës, ku mjekë dhe punonjës të tjerë të spitalit Onkologjik të Tiranës në QSUT, bëjnë pazare edhe për operacionet.

Në dosjen e zbardhur nga Top Channel, dy punonjës të këtij spitali, bëjnë planet e pushimeve, madje flasin hapur dhe për shifrat që sigurojnë nga ryshfetet përmes operacioneve, një prej tyre Emiljano Lela, koordinator i Onkologjikut.

Punonjësi i spitalit i sugjeron kolegut të planifikojë pushime për në Tajlandë një vend ekzotik dhe mbi të gjitha i kushtueshëm.

“1500 euro, 5 operacione, i kap brenda javësh ti, hahahahaha, ca llogarie. Llogarita 3000 euro operacionin, jo 500. Për 1 javë bëhesh për Maldive ti atëherë”, i thotë kjo.

Hetimi i bërë nga prokuroria zbuloi skemën ku përfshihen mjeke të shërbimit onkologjik dhe staf i këtij shërbimi të cilët transferonin pacientë nga shërbimi onkologjik drejt klinikave private. Denoncimi i një familjari nxori në dritë se si një mjek nuk u shërbente pacientëve në spital, por u kërkonte të vinin në klinikën e tij private.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#Onkologjiku#TopChannelNews